دليل الدخول لإعدادات BIOS

كيف منفوت على الـ BIOS؟ بعد ما عرفنا سابقاً شو هي الـ BIOS وليش موجودة، صار وقت السؤال يلي بيسأله تقريباً أي شخص أول مرة بده ينصب ويندوز: منيح... بس كيف بفوت عليها؟ 🤔 الجواب أبسط مما بتتخيل 😁 أول ما تشغل الكمبيوتر، وقبل ما يشتغل الويندوز، في عدة ثواني صغيرة جداً بتكون الـ BIOS جاهزة تستقبل أوامرك. خلال هالثواني لازم تضغط زر معين من الكيبورد. إذا ضغطته بالوقت المناسب، رح تفتح معك شاشة إعدادات الـ BIOS. إذا تأخرت، الويندوز رح يشتغل بشكل طبيعي وعندها لازم تعيد تشغيل الجهاز وتجرب مرة ثانية. 😅 شو هو الزر؟!!! هون الحكاية... ما في زر موحد لكل الأجهزة بالعالم. كل شركة تقريباً اختارت زر أو زرين خاصين فيها. هاي أشهر الشركات والأزرار المستخدمة: 💻 *Dell* 👉🏻 F2 💻 *HP* 👉🏻 F10 أحياناً Esc ثم F10 💻 *Lenovo* 👉🏻 F2 أحياناً زر صغير جانبي اسمه Novo Button 💻 *ASUS* 👉🏻 F2 💻 *Acer* 👉🏻 F2 أو Delete 💻 *MSI* 👉🏻 Delete 💻 *Gigabyte* 👉🏻 Delete 💻 *ASRock* 👉🏻 Delete أو F2 💻 *Samsung* 👉🏻 F2 💻 *Toshiba* 👉🏻 F2 💻 *Sony VAIO* 👉🏻 F2 أو Assist Button ببعض الموديلات طيب متى أضغط الزر؟ هون الغلطة يلي بيعملها أغلبنا. بيستنوا الويندوز يطلع وبعدها بيبلشوا يضغطوا. 😂 الصح: 1️⃣ طفي الجهاز بالكامل. 2️⃣ شغله من جديد. 3️⃣ أول ما يشتغل بلش اضغط الزر المطلوب عدة مرات بسرعة. يعني: F2 F2 F2 F2 F2 أو Delete Delete Delete Delete لحد ما تظهر شاشة الـ BIOS. طيب .... و إذا ما زبطت؟ 🤔🤔 لا تخاف. ما خربت الجهاز ولا صار فيه شي. بس ببساطة فات الوقت المناسب. أعد تشغيل الكمبيوتر وجرب مرة ثانية. حتى الفنيين أحياناً بتفلت منهم من أول محاولة. 😄