اوصيك بفاطم | ملا دانيال بوجبارة

آنه المُختار و بو القاسم يا حيدر أُوصِيك ابفاطـم مِـنِّ اتـغـسلـها بمـوتـتـها تشوف اللطمة في وجنتها ضلوع الزهرة من تتكسر ----------------------------------------------- گُرب موتي يبو الحملة..و هذي ساعةْ التوديع والله يساعدك لمَّن..تـرفـع نـعـشي بالـتشييع و من بعدي أهل بيتي..تِگاسي الـبلوى و التلويع أوصيك ابـحـزن گلبي..بـنتـي فاطِـمة لَـتـضـيع تِـنَـزِّلني بوَسَط لِحدي و تِوَسِّد عالثرى خـدي وحدك يا علي وحدك.. و يتيمة فاطِمة بعـدي! نحلانة الزهرة و مرعوبة دمعتها اخلافي مـسچوبة ليل انهار اتهل عبرتها تشوف اللطمة في وجنتها ضلوع الزهرة من تتكسر -------------------------------------------------- ثَلَثْ مِـيَّـةْ رَجُـل واكثر!..للـدار ابحَطَب يِگْرَب! بـغُمدك خَـلِّـي فَقَّارك..إذا بـاب الرِّسـالة شَب أنا أدري الرَّجُل صعبة..يَـمَّـه زوجـتـه تِـنـسَـب شحالك و انتَ يامظلوم..تِـشاهِد فاطِمة تُـضْرب حزينة و تكسر الخاطر بـنـتي مالها نـاصِــر! الأجـانِـب تهجم اعليها و لازم يالوصي اتـصابِر لجل الدين و شِرْعَةْ ربَّك إصبر والله يساعد گلـبك و لـمَّن تِـتْـزايـد وَنَّـتْــها تشوف اللطمة في وجنتها ضلوع الزهرة من تتكسر ---------------------------------------- بين الباب و الـحـايط..تلوذ الـزَّهــرة يـاكــرَّار يجي السُّوط ابـأنَـامِلْها..و يخْنِگْها دُخان النَّار! خدها ينسطر خـدها !..و تـبگـى بالوجن آثـار و لمَّن تنعصر گُـوَّة..بـصـدرها ينبت الـمـسمار جسدها ينرفس ويلاه و السـوط ابمتِنـها آه حـمِـلْها يعتفر يَمها صريع ابقَتْلِته ودْماه قُرط المظـلومة يـتنـثَّر و چالدُّمْلِج چفها ويتأثَّر وحين اتعاينها ابعصرتها تشوف اللطمة في وجنتها ضلوع الزهرة من تتكسر -------------------------------------------- تِـنْـجر بالحـبل حاسِر..و خـلفك فاطِمة تعـثر عدوها يصفع الوجـنة..و حتى بالعصا يجسـر و يوكِـزها بكعب سيفه..و يشتم بـيـهـا يا حيدر و تظل معلولة ما تهجع..بألمها و القهر تِـســهر حتى منزل الأحزان تِهدمه زُمرةْ العدوان غريبة بالمدينة اتصير و تون بالحسرة و الأشجان تترك أيـتام و تِستـشهِد شحال العيلة و الأُم تَبعِد وگت التغسيل و دَفْنَتْها تشوف اللطمة في وجنتها ضلوع الزهرة من تتكسر -------------------------------------- أُم اثمَنطَعَش عام وُ..تموت و هِـيَّ مــقــهــورة تِغَسِّلها بظلام الليل..و تشوف الوجنة مسطورة و على صَدْر العزيزة اتمُر..و تِصد اضلوع مكسورة تِـنـزِّلْـها الگبُـر مفجوع..و دُمُوع الحيرة مـنـثـورة ترفة الطَّاهِرة ترفة شباب و عالثرى تغفى بفگِدها ينكسر ظهرك و جرح الفرگة مايشفى زينب مذعورة و تنعاها و العيشة صعبة ابليَّاها و يوم العاشِر لو حِضْرَتْها تشوف اللطمة في وجنتها للشاعر أبو نجم الاحسائي #دانيال_بوجبارة #نجم_اليقين