သီႏလတန်ꩻဖိုꩻခရာႏ ဟဝ်သေနာႏ တရာꩻယာႏ ဗွေႏပဏ္ဍဝ #PaODhamma #ပအိုဝ်ႏတရာꩻ #ပအိုဝ်ႏ

နေင်ႏ - ၁၃၈၂ ဗာႏ၊ တောႏလင်ꩻလာမားနီꩻ၊ မွူးနီꩻ - သောကျာႏ၊ မွူးဟာခိုႏ (၆း၀၀)နားရီႏအခိန်ႏ၊ ပအိုဝ်ႏနမ်းပဲင်ႏ ထိန်ꩻထွားခွင်ꩻလꩻဒေႏသ၊ ဝေင်ꩻဟိုပုံꩻ၊ မြို့ဦးကျောင်ꩻတွိုက် ကို ကမာꩻလွေꩻဒါႏ ဝါႏတွင်ꩻသွံလာ သီႏလသားအတာႏ " လွိုခေါ်ယံတရာꩻပွယ်ꩻ" ကို ဓမ္မကထိက ဝေင်ꩻနယ်ႏဟိုပုံꩻ၊ ကျောင်ꩻဖါလွိုင်ဗွေလွန်း ဗွေႏဆရာႏတောႏ ဘဒ္ဒန္တပဏ္ဍဝ ဟော်ꩻနယ်လွေꩻဖေႏ "သီႏလတန်ꩻဖိုꩻခရာႏ ဟဝ်သေနာႏ" တရာꩻယာႏနုဲင်းယိုသွူဩ။ သဗ္ဗဒါနံ ဓမ္မဒါနံ ဇိနာတိ။ ထာꩻလူႏအကို လူႏတရာꩻယို မျတ်လွိုလဲင်းဝင်ꩻသွူ။ လူႏတရာꩻယို ဒါနကို မျတ်လွိုလဲင်းဝင်ꩻဩ။ နာႏတရာꩻအကျိုꩻ(၅)ပါꩻ ဟွိုင်ဗာႏ စဲင်းသျင်ႏ ဟောင်းနဲ့ကင်ႏ စွို့ꩻလင်ꩻ သꩻခွစွူ။ ဗုဒ္ဓဟော်ꩻခါႏ နာႏတရာꩻ ငတ်ꩻပါꩻ အကျိုꩻသွူ။ ဗုဒ္ဓဘာႏသာႏ သာႏသနာႏ ဖေႏတဉ်ႏခွေါင် ညဆွာꩻတာႏနဝ်ꩻ ရွစ်နေးတောမ်ႏဖြောင်းနဝ်ꩻ သာႏသနာႏ ခွေါင်တဉ်ꩻညနွောင်ꩻတဝ်းနေား။ လွိုက်နာႏ ကျင်ꩻသုံꩻဒျာႏ နီဗွေႏဖရာꩻ ဩဝါႏဒ ငဝ်းငွါမꩻ သာႏသနာႏယို လေထင်ႏ တဉ်ႏခွေါင်ညဆွာꩻနွောင်ꩻနဝ်ꩻသွူဩ။ ဗုဒ္ဓသာသနံ စိရံ တိဋ္ဌတု။ ဗုဒ္ဓသာႏသနာႏ ညဆွာꩻ ခိန်ႏခါႏ တဉ်ႏသွော့ဩ။ ဗုဒ္ဓသာႏသနာႏ ညဆွာꩻ ခိန်ႏခါႏ ခွေါင်သွော့ဩ။ ဗုဒ္ဓသာႏသနာႏ ညဆွာꩻ ခိန်ႏခါႏ လေသွော့ဩ။ #Pa_ODhamma #PaODhamma #ပအိုဝ်ႏတရာꩻ #သီလ