42 ANIVERSARIO AGENSIA FUNERARIA SEÑORIAL

Agencia Funeraria Señorial, a kumpli un aña mas di trabou i servisio na nos komunidat. 42 aña pasá, Sra. Crisma Henriquez a kuminsá ku un soño ku a bira realidat, ku hopi esfuerso i trabou duru, karakterisá pa kumplimentu, profeshonalismo i respet. Ora nos a puntra Sra. Crisma kiko ta su sekreto pa un negoshi eksitoso, esei tabata e tres palabra ku kual ela deskribísu reseta. Dia 23 di sèptèmber tras di lomba, famia di “Agencia Funeraria Señorial” i di Sra. Henriquez, a bini huntu pa un ratu di reflekshon i rekonosementu na esnan ku a kompaña Sra. Crisma den su trayekto di trabou. Tambe “El Señorial” a rekonosé trabou di algun organisashon ku ta sirbi nos komunidat i a hasi diferente donashon ku un montante serkano na 100 mil XCG na total. Sra. Crisma Henriquez a bisa, ku den su filosofia i di esun di "ORDER OF THE GOLDEN RULE", organisashon na kual “El Señorial” ta afiliá for di hopi aña, miembronan tin ku "Share" su benefisionan ku komunidat kaminda e ta traha i esei “El Senorial” a sa di hasi semper. Awe, Bonochi Kòrsou ta presentá un rekuento di e reunion aki, kaminda Sra. Crisma ta splika nifikashon di dia 23 di sèptèmber.