Cıdır yarışları. Binə Atçılıq və İstirahət Mərkəzi 05.09.2026

Ötən həftə Binə Atçılıq və İstirahət Mərkəzinin cıdır meydanında qarabağ və dilbaz atlarının iştirakı ilə cıdır yarışları keçirilmişdir. Yarış günü 4 cıdır keçirilmiş. Birinci cıdırda 3 yaşlı qarabağ atları iştirak etmiş, Yıldız ləqəbli at jokeyi Ramal Əliyevlə 1400 m məsafəni birinci qət edərək yarışın qalibi olmuşdur. Bu cıdırda ikinci yeri Asya ləqəbli atla jokey Hilal Nəzərov, üçüncü mükafat yetini isə Kalibr ləqəbli atla jokey Orxanbəy Hacıyev tutmuşdur. İkinci cıdırda 4 yaşlı dilbaz atlar 1800 m məsafədə yarışmışdır.,Nəticədə Zəmzəm ləqəbli at jokeyi Orxanbəy Hacıyevin idarəsi altında finişə birinci gəlmişdir. İkinci yeri Tomris ləqəbli atla jokey Ramal Əliyev, üçüncü yeri isə Lavin ləqəbli atla Hilal Nəzərov tutmuşdur. Üçüncü cıdırda 5 və yuxarı yaşlı qarabağ atları sınaqdan keçirilmiş, finiş xəttini ilk olaraq Xatun ləqəbli atda jokey Orxanbəy Hacıyev keçmişdir. Sultan ləqəbli atda Hilal Nəzərov ikinci, Pablo ləqəbli atda isə Mahmud Ağazadə finişdə üçüncü olmuşdur. Sonuncu, dördüncü cıdırda 5 və yuxarı yaşlı dilbazlar 2000 m məsafəyə yarışmış və məsafəni ən tez jokey Hilal Nəzərovun çapdığı Bar-Bar ləqəbli at qət etmişdir. Onun ardınca finişi Ramal Əliyevin yəhəri altında Senator ləqəbli at keçmiş, Dərviş ləqəbli atda isə jokey Sadiq Azayev üçüncü olmuşdur.