CFO Live 2026 sa Davao City, naghatid ng saya sa bawat miyembro ng pamilyang dumalo

Sa layuning mapatatag ang ugnayan sa isa’t-isa ng bawat miyembro ng pamilya, mapaunlad ang kanilang kabuhayan, at makapag-bonding sa pamamagitan ng mga booths at ilang interactive activities, isinagawa sa  SMX Convention Center, Davao City ang CFO Live. Ang dalawang araw na aktibidad na ito, mula Oktubre 10 hanggang Oktubre 11, 2026, ay dinaluhan ng mga miyembro ng Christian Family Organizations mula sa mga distrito eklesiastiko sa buong lalawigan ng Davao.   Tampok sa isinagawang aktibidad ang ilang interactive activities at exhibit ng mga Kapisanang Pansambahayan at samahan. Isinagawa rin ang ilang livelihood seminars. Kinagiliwan din ng mga kabataan, hobbyist at ng mga young-at-heart ang booths para sa trading card games, arcade games, at e-sport competition.