أطنان من الطعام مجاناً… ماذا يحدث في ألمانيا؟ 🇩🇪

هالأكل كان رح ينكب… بس في ناس عم تعطّيه فرصة تانية! 🥕💚 بهالفيديو بآخدكم معي بيوم مع Foodsharing بألمانيا، لنتعرّف كيف الأكل الفائض بيلاقي طريقه للناس بدل ما يضيع، ونشوف شو بيصير وراء كواليس التجهيز والتوزيع. من ترتيب الصناديق وتعبئة الأكياس، للحركة والتعب والتنظيف… وراء كل هالمشهد في ناس عم تبذل وقت وجهد حتى تحافظ على نعمة الأكل. رحلة فيها شغل، مشاركة، ولحظات إنسانية بتخلّينا نفكّر بعلاقتنا بالأكل وببعضنا. مو كل شي زايد عن حاجتنا لازم ينكب. فينا نشتري على قدّ حاجتنا، نستفيد من الموجود، ونشارك الفائض الصالح للأكل مع غيرنا. تغيير صغير من كل واحد فينا ممكن يعمل فرق. 🌍 💬 كنتوا بتعرفوا عن Foodsharing؟ وفي مبادرات مشابهة بالمدينة اللي عايشين فيها؟ احكولي بالتعليقات. إذا عجبتكم الرحلة، ادعموا الفيديو بلايك واشتراك، وشاركوه مع شخص ممكن تهمّه الفكرة. 🙌 #Foodsharing #إنقاذ_الطعام #ألمانيا #هدر_الطعام #مشاركة_الطعام