Xpert — TRASHTAPE (Full Albom)

"TRASHTAPE" albomuna daxil olan bütün treklər yer alır. Spotify: https://sptfy.in/x347 Sənətçi: Xpert Janr: Underground Rap Cover: Mikaelzadé Buraxılış tarixi: 27.30.2020 “TRASHTAPE” Xpert-in ən çox müzakirələrə səbəb olan albomlarından biridir. Layihələrin tək-tək yayımlandığı bu albom "pandemiya" kimi bildiyimiz dövrə təsadüf edir. Həmin dövrdə Şəhriyar XXX (Üç Eks) adı altında öz üslubuna alternativ tərzdə parçalar yayımlayır. Sabiq dinləyicilər, demək olar ki, hər layihəni ciddi tənqid edir və bu dəyişikliklə barışmırdılar. "Köhnə Eks" ifadəsi də məhz bu dövrdə aktuallaşır. Sosial şəbəkələrdə hər paylaşımın altında "Biz Köhnə Eks-i istəyirik" yazan böyük bir kütlənin yaratdığı bu ifadəyə bu gün də rast gəlmək mümkündür. Mən də öz növbəmdə bu etiraza qismən haqq qazandırıram. Hesab edirəm ki, insan duyğuları ilə mövcud olan bir varlıqdır. Bu varlıq musiqiyə, şeirə və sənətə nə qədər həssasdırsa, öyrəşdiyi keçmişin, uşaqlığının və gəncliyinin fonunda formalaşan xatirələrinin yox olması ilə də bir o qədər çətin barışır. Təsəllim isə hisslərimizi bölüşdüyümüz bu günlərin qədrini bilməkdir. Çünki onlar da bir gün geridə qalacaq. Albomdakı hər trek öz növbəsində 24–48 saat ərzində yazılır, notebookda səthi şəkildə edit olunur və paylaşılır. Layihələrin, demək olar ki, heç birində peşəkar miks və masterinq yoxdur. Musiqilərin böyük əksəriyyəti ümumi istifadə üçün təqdim olunan freebeat-lər üzərində hazırlanıb. Albomun “TRASHTAPE” adlandırılmasının başlıca səbəbləri də məhz bunlardır. Bütün bu "trash" yanaşmasına baxmayaraq, mətnlərdə "Köhnə Eks"in ruhunu görmək mümkündür. "Tapor", "Qaşın-Gözün" və "Checkderd" kimi treklər zaman keçdikcə öz dinləyicisini tapmağı bacarır. Beləliklə, Şəhriyarın "sənət" sərhədlərini zorladığı bu albom təkcə onun yaradıcılığına deyil, şəxsi həyatına da mənfi təsirsiz ötüşmür. Bu sancılı keçid dövrü gələcəkdə bizi daha müdrik bir Xpert ilə tanış edəcəkdi. Mətni hazırladı: İsmayıl Zeynalzadə 00:00 - İNANDIRICI OLSUN 00:12 - TAPOR 02:35 - NARSOCU 04:56 - HYPE 05:56 - TRASHMAN 08:37 - ƏJDAHA SÖHBƏT 09:08 - 24/7 12:24 - CHECKDERD 14:30 - QASHIN-GÖZÜN 16:36 - PAPA 19:38 - LOREM IPSUM 22:27 - OLMAYAN FİLM 22:44 - SKU SKU RAAT 25:07 - FAKFREYMZ 28:08 - GİLAS 29:27 - İMKAN VERİN ©/℗ 2026 — 101 Moon Records Diqqət! Vacib xəbərdarlıq: Bu albomda söyüşlü ifadələr mövcuddur.