750 രൂപ ശമ്പളം; ഇന്ന് 1500 പേർക്ക് തൊഴിൽ, 1500 കോടി വിറ്റുവരവ് 24 ബിസിനസ്സുകൾ പടുത്തുയർത്തിയ സംരംഭകൻ

കർഷക കുടുംബത്തിലാണ് ആനന്തപുരം സ്വദേശിയായ ശ്രീ ജോളി ആന്റണിയുടെ ജനനം. പഠനം ട്രാവൽ & ടൂറിസം മേഖലയിൽ, ആദ്യ തൊഴിൽ ഈസ്റ്റ് വെസ്റ്റ് എയർലൈൻസിൽ ടിക്കറ്റിങ്ങ് സ്റ്റാഫ് ആയിട്ട് 750 രൂപ ശമ്പളത്തിൽ. മൂന്ന് വർഷത്തിന് ശേഷം പ്രവാസിയായി സൗദിയിലേക്ക് അതെ മേഖലയിൽ ചേക്കേറി. പിന്നീട് സ്ഥാപനത്തിന്റെ ജനറൽ മാനേജർ പോസ്റ്റ് വരെ എത്തി. 12 വർഷത്തിന് ശേഷം ദുബായിൽ എത്തി ആദ്യ സംരംഭത്തിന് തുടക്കം - "അൽ സഫീന" എന്ന പേരിൽ ടൂർ ആൻഡ് ട്രാവൽ കമ്പനി. അറബി നന്നായി സംസാരിക്കാനറിയാവുന്ന ജോളിയുടെ വളർച്ച വളരെ പെട്ടന്നായിരുന്നു. പിന്നീട് ഒൻപതു ബ്രാഞ്ചുകളായി, 120 പേർക്ക് തൊഴിൽ കൊടുക്കുന്ന സംരംഭമായി "അൽ സഫീന" വളർന്നു. ടൂർ ആൻഡ് ട്രാവെൽസ് മേഖലയിൽ ഒതുങ്ങിയില്ല ജോളിയുടെ സംരംഭക മോഹം. 24 സംരംഭങ്ങൾക്കാണ് ഇദ്ദേഹം തുടക്കം കുറിച്ചത്. മൂന്നാറിലെ ഏറ്റവും വലിയ രണ്ടു റിസോർട്സുകളുടെ ഉടമയാണ് ജോളി - 4 സ്റ്റാർ ക്യാറ്റഗറിയിലുള്ള "ദി ഫോഗ് റിസോർട്സ് & സ്പാ", "വൈബ് മൂന്നാർ" എന്നിവ. വൈബ് മൂന്നാറിൽ 97 റൂമുകളും, ഹെലിപാഡും, ഏറ്റവും വലിയ റൂഫ് ടോപ് വിളയും, കേരളത്തിലെ ഏറ്റവും വലിയ സ്പായും ഒക്കെ ഉണ്ട്. വൈബ് മൂന്നാർ അടുത്തപടിയായി 203 റൂമിലേയ്ക്ക് എത്തുമ്പോഴേക്കും 300 കോടി നിക്ഷേപം ആയിക്കഴിയും. ആയുർവേദ മെഡിസിൻ മാനുഫാക്ച്ചറിങ്ങ്, ഹോട്ടൽ മാനേജ്‌മന്റ് ഇൻസ്റ്റിറ്റ്യൂട്ട്, ആയുർവേദ ഫാം തുടങ്ങി മേഖലകളിൽ 24 ഇൽ പരം ബിസിനെസ്സിന് തുടക്കം കുറിച്ച ജോളിക്ക് ഇന്ന് 1500 പേർക്ക് തൊഴിൽ കൊടുക്കാനാവുണ്ട്, 1500 കോടി വിറ്റുവരവും. സംരംഭകരാവാൻ ആഗ്രഹിക്കുന്ന പ്രവാസികൾക്ക് ഒരു മാതൃകയാണ് ശ്രീ ജോളി ആന്റണി. സ്വന്തം നാട്ടിൽ ബിസിനെസ്സ് തുടങ്ങി ഇനിയും നിരവധി പേർക്ക് തൊഴിൽ കൊടുക്കാനൊരുങ്ങുന്ന ജോളി ആന്റണിയുടെ സ്പാർക്കുള്ള കഥയാണ് ഇന്ന് സ്പാർക്കിൽ. Spark - Coffee with Shamim Client: Jolly Antony, Founder and CEO Al Safina Group, The Fog Resorts & Spa Munnar, Vibe Resort Munnar. Web: www.jollyantony.com Email: jollyantony75@hotmail.com #sparkstories #coffeewithshamim #malayalam #shamimrafeek ‪@ShamimRafeek‬ #eagle #eaglecoaching