Путин ойбайлап, Пашинян барабан ойнап жатыр. Армения сайлауы, сау бол, одақ?

Бұдан да нақтырақ айтсақ, Садыр Жапаров, Александр Лукашенко, Қасым-Жомарт Тоқаевтар мемлекетін құрдымға сүйреп бара жатқан Владимир Путиннің айтқанынан шыға алмай, өз елінде ыстық пирожки жеп, кемпір-шалдармен көшеде ұрысып жүрген, Армения премьер-министрі Никол Пашинянға «қарабайыр тілмен айтсақ», жабылып кетті. Сөйтіп, о баста, Назарбаев пен Путиннің бастамасымен 12 жыл бұрын құрылатын кезде - тек қана экономикалық одақ болады делінген «Еуразия экономика одағы» шын мәнінде, іс жүзінде қаны тамып тұрған саяси одақ екенін Астанада өткен форумда төрт президент Путиннің айтақтауымен, төрт жақтап дәлелдеп берді. Ал Пашинян болса, жәйбарақат барабанын соғып, соққан сайын Путиннің жүйкесін жұқартып, саясат сахнасындағы жарты әлемнің шаңын қағып жатыр.