Имҩаҧысит аерманцәа рмилаҭтә ныҳәа «Амшен»

Ақыҭа Аракьыҽы «Амшен» аныҳәа абжьы алыҩуан. Имҩаҧысит аерманцәа рмилаҭтә ныҳәа «Амшен». Иара мҩаҧган Очамчыра араион ақыҭа Аракьыҽы. Амшентәи аерманцәа ркультуреи, рыбзазашьеи аазырҧшуа ҽаҩраҭагалан иазку афестиваль сынтәа бжьынтәуп имҩаҧыргожьҭеи. Уи хықәкыс иамоуп аерманцәа ибеиоу ркультуреи рыбзазашьеи аарҧшра. Рчыс ҷыда, рмилаҭҭтә рҳәагақәа, уҳәа улаҧш иҵашәоз рацәан. Аныҳәа далахәын Аҧсны ахада ихаҭыҧуаҩ Беслан Бигәаа. Ажәабжь иацырҵоит ҳкорреспондентцәа.