ივანიშვილის რეჟიმის კორუფციას შეწირული თაობა | აქცენტები

2026 წლის ბოლოსთვის საქართველოში ყველა საჯარო სკოლა სრულად მოწესრიგებული უნდა ყოფილიყო. ყოველ შემთხვევაში, ასე დაგვპირდა ხელისუფლება ოთხი წლის წინ. 800 სკოლის მშენებლობა და რეაბილიტაცია, თანამედროვე ინფრასტრუქტურა, უსაფრთხო გარემო — ეს იყო სახელმწიფოს ოფიციალური დაპირება. დადგა 2026 წელი. ახალი სასწავლო წელი კი საქართველოში არა ახალი სკოლების გახსნით, არამედ სკოლების დაკეტვით დაიწყო. ათასობით ბავშვი საკუთარი სკოლის ნაცვლად სხვა სკოლაში, მეორე ცვლაში, ზოგჯერ სახლიდან ათეულობით კილომეტრის დაშორებით ან ისევ კომპიუტერის ეკრანთან სწავლობს. მხოლოდ თბილისში, სულ მცირე, 8 250 მოსწავლეა იძულებული, სხვა სკოლის შენობაში იაროს. მათგან თითქმის 7 400 მეორე ან შუალედურ ცვლაში სწავლობს. ქვეყნის მასშტაბით კი ზუსტად რამდენი ბავშვია ასეთ მდგომარეობაში, სახელმწიფოსგან დღემდე ვერ გავიგეთ. თანაწამყვანი განათლების ექსპერტი ნანა დიხამინჯია სტუმარი აკაკი ტყეშელაშვილი - წყალტუბოს მე-2 სკოლის დირექტორის ყოფილი მოადგილე