Qazaxda 126 illik ev mağazalara çevrilir? — Ortaq dam, sökülən divarlar və “məmur himayəsi” iddiası

Qazax rayonunun Murtuz Carçıyev küçəsi, ev 20 ünvanında yerləşən və 1900-cü ildə tikildiyi bildirilən yaşayış evinin ayrı-ayrı hissələrinin kommersiya obyektlərinə çevrilməsi ciddi mübahisəyə səbəb olub. Evin mülkiyyətçilərindən Sara Nəcəf-Rəşidi iddia edir ki, bir dam altında yerləşən tikilidə aparılan dəyişikliklər ümumi konstruksiyalara müdaxilə edir, onun mülkiyyət hüquqlarına və yaşayış təhlükəsizliyinə təsir göstərir. Şikayətçi həmçinin obyektlərin hansı hüquqi əsasla qeyri-yaşayış sahəsinə çevrildiyini, divar və fasad dəyişikliklərinin kim tərəfindən razılaşdırıldığını sorğulayır və məsələdə məmur himayəsinin olduğunu iddia edir. BakuNews.az qarşı tərəfin və aidiyyəti dövlət qurumlarının mövqeyini də dərc etməyə hazırdır. İndi isə şikayətçi Sara Nəcəf-Rəşidinin məsələ ilə bağlı açıqlamasını təqdim edirik.