張與辰樓盤拍攝勾起置業衝動 揚言朝有車有樓族方向努力中

張與辰新樓盤拍節目勾起置業衝動 揚言朝有車有樓族方向努力中 相信擁有一個舒適嘅安樂窩，係唔少人嘅追求，當然 張與辰 都唔例外啦，呢日佢就去到景色宜人嘅愉景灣拍攝節目，仲揚言話一定包大家滿意呀！ 第一次嚟到呢度嘅與辰，被現場環境深深吸引，唔單只覺得環境好舒服，感覺就好似置身外國一樣，仲話可以住喺呢度嘅人相當幸福。當見到現場有一大片草地，與辰仲已經諗好，平時除咗可以喺度做下運動外，仲可以同毛孩喺度玩呀！ 至於問到與辰如果要置業會考慮咩因素？佢就話一定要有開濶嘅景觀，好似海景山景咁，坐喺屋企望住個人都會放鬆啲，另外方便都係一個重要因素，與辰話最好就係近機場、港珠澳大橋就最好喇。 當與辰介紹完呢個樓盤後，佢坦言自己都有置業嘅衝動，仲話家人好贊成佢買樓，話一個男人一定要有樓有車，所以自己都往呢方面努力緊呀！ #張與辰 #愉景灣 #安樂窩 #睇樓 #置業 #環境好 #開濶景觀 #山景 #海景 #機場 #港珠澳大橋 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0