ԱԺ-ի հյուրերն էին հայ-հունական պետական քոլեջի ուսանողներն ու դասախոսները

Մայիսի 13-ին ճանաչողական այցով խորհրդարանում էին Երեւանի զբոսաշրջության, սպասարկման ու սննդի արդյունաբերության հայ-հունական պետական քոլեջի ուսանողներն ու դասախոսները: Նրանց հետ հանդիպեց ԱԺ «Լուսավոր Հայաստան» խմբակցության քարտուղար Գեւորգ Գորգիսյանը: Նա ուսանեղներին պատմեց` ինչպես է որոշել դառնալ գիտնական, իսկ հետո զբաղվել ծրագրավորողությամբ, այնուհետեւ` քաղաքականությամբ: Պատգամավորն ուսանողներին պատմեց իր հորեղբոր` Մովսես Գորգիսյանի մասին: Գեւորգ Գորգիսյանի համար հորեղբոր խոսքերը կարգախոս են դարձել. «Հայաստանը կարող է լուծել բոլոր խնդիրներն ու հարցերը, եթե լինի ուժեղ ու հզոր»: Պատգամավորը խորհուրդ տվեց ունենալ երազանք եւ գնալ դրա ետեւից, չնայաց բարդություներին` չհուսահատվել եւ պայքարել մինչեւ վերջ: Հյուրերն այցելեցին խորհրդարանի թանգարան, որտեղ ծանոթացան ԱԺ-ի պատմությանը, իսկ գրադարանում ծանոթացան գրքերի բազմազանությանը: