PM Xanana Kontente no Apresia ho Unidade Timoroan Sira iha Reinu Unidu

LONDRES, 20 Setembru 2025—Primeiru-Ministru (PM), Kay Rala Xanana Gusmão apresia tebes no kontente ho Timoroan sira iha Reinu Unidu ne’ebé moris iha unidade, sempre rona-malu, servisu makaas, respeita-malu, tulun-malu no hadomi malu. Primeiru-Ministru espresa sentimentu kontente no apresiasaun ne’e durante hala’o enkontru ho Embaixadór Timor-Leste bá Reinu Unidu, João Paulo da Costa Rangel no mós komunidade Timoroan iha Londres, sábadu (20/09/2025).