സ്വിച്ച് ഇട്ടാൽ ഓഫാകുന്ന തലച്ചോർ : നൊബേൽ കിട്ടിയ ഒപ്റ്റോജനറ്റിക്സ് | Let Me Explain

#ddnewsmalayalam #LetMeExplain #Optogenetics #BrainScience #Neuroscience #MedicalScience #NobelPrize #ScienceExplained #HumanBrain #Science നമ്മുടെ തലച്ചോറിലെ ഒരു പ്രത്യേക ഭാഗം ഓഫ് ചെയ്ത് ഇടാൻ പറ്റിയാലോ? അല്ലെങ്കിൽ ഓൺ ആക്കാൻ. ഇങ്ങനെ പറയാൻ കഴിഞ്ഞാലോ? തലച്ചോറിന്റെ ഇടതുവശം ഇപ്പോൾ പ്രവർത്തിക്കണം! അല്ലെങ്കിൽ... മതി, ഇനി പ്രവർത്തിക്കേണ്ട! ഇതൊക്കെ ഒരു സ്വിച്ച് ഓൺ ചെയ്യുന്നതുപോലെ പറ്റണം. അതും വെളിച്ചം ഉപയോഗിച്ച്. എങ്ങനെയുണ്ട്. ആഹാ എത്ര മനോഹരമായി നടക്കാത്ത സംഭവം അല്ലേ... എന്നാൽ അല്ല.. ഇങ്ങനൊക്കെ പറ്റും. ആ പരിപാടിക്കാണ് ഇത്തവണത്തെ വൈദ്യശാസ്ത്ര നൊബേൽ കിട്ടിയത്. ഒപ്റ്റോജെനെറ്റിക്സ്. നല്ല കട്ടിയുള്ള വാക്ക്. സാരമില്ല. നമുക്ക് സിംപിളാക്കം. ലെറ്റ് മി എക്സ്പ്ലൈൻ. നമ്മുടെയൊക്കെ തലച്ചോറിന് എത്ര ഭാരം വരും. ഏകദേശം ഒരു 1300 ഗ്രാം. അതായത് മനുഷ്യന്റെ മൊത്തം ശരീരഭാരത്തിന്റെ ഏകദേശം 2 ശതമാനം മാത്രമാണ് തലച്ചോർ അഥവാ മസ്തിഷ്കം. പക്ഷേ മനുഷ്യനെ മുഴുവനായി നിയന്ത്രിക്കുന്നത് തലച്ചോറാണെന്ന് ആർക്കും പറഞ്ഞുതരേണ്ടല്ലോ. നമ്മുടെ ഓർമകൾ, സ്വപ്നങ്ങൾ, പ്രണയം, സന്തോഷം, സങ്കടം, പേടി, ധൈര്യം, ക്രിയേറ്റിവിറ്റി അങ്ങനെയെല്ലാം അടങ്ങിയിരിക്കുന്നത് ഈ 1300 ഗ്രാമിലാണ്. നമ്മൾ ചിരിക്കുമ്പോഴും പേടിക്കുമ്പോഴും ഒരു കാര്യം ഓർക്കുമ്പോഴും കൈ ഉയർത്തുമ്പോഴും തലച്ചോറിൽ കോടിക്കണക്കിന് നാഡീകോശങ്ങൾ പ്രവർത്തിക്കുന്നുണ്ട്. ഈ കോശങ്ങൾ പരസ്പരം വൈദ്യുത സിഗ്നലുകളിലൂടെയാണ് ആശയവിനിമയം നടത്തുന്നത്. അതിസങ്കീർണമായ ഒരു നെറ്റ്വർക്ക്. നമ്മുടെ തലച്ചോർ എങ്ങനെയാണ് പ്രവർത്തിക്കുന്നതെന്ന് കൃത്യമായി മനസ്സിലാക്കാൻ നൂറ്റാണ്ടുകളായി ശാസ്ത്രലോകം ശ്രമിച്ചുകൊണ്ടേയിരിക്കുന്നു. പക്ഷേ അറിയുംതോറും അകലംകൂടുന്ന മഹാസാഗരമായി സംഗീതമല്ല, മസ്തിഷ്കം തുടർന്നു. #newsupdates #malayalamnews #newsmalayalam #breakingnews #latestnews #newstoday DD Malayalam News is the News Wing of DD Malayalam. Broadcasting in regional language.Terrestrial cum satellite News Channel of India's Public Service Broadcaster. 🔴 🔔Subscribe Us On: https://bit.ly/DDMalayalamNews_Sub Follow us on: 🔗X: https://x.com/DDNewsMalayalam 🔗Facebook:   / ddmalayalamnews