Malacañang: Paratang ni Trillanes na tumanggap ng pera mula China si Sara, dapat imbestigahan

Ayon kay Palace Press Officer Claire Castro, hindi dapat ipagsawalang-bahala ang paratang ni dating senador Antonio Trillanes laban kay Vice President Sara Duterte na tumanggap umano ito ng pera mula sa China. “Kung mapapakita at matibay ang ebidensiya ni senator Trillanes, hindi po ito dapat na i-ignore, hindi po dapat hindi pansinin. Dahil hindi po nakikialam dapat ang isang bansa sa anumang politika ng Pilipinas,” saad niya nitong Lunes, October 5, 2026. Aniya, dapat malaman ang katotohan dito kung saan kasapi umano sa board of trustees sina Duterte at Taguig Mayor Lani Cayetano. “Magandang maimbestigahan hindi para sirain kung sinuman kundi para malaman natin kung anong katotohanan dito at meron bang nanghihimasok na ibang bansa sa ating politika,” dagdag niya.