加拿大反美情緒大爆發｜貿易談判破裂　特朗普怒徵50%關稅全面開戰【肥仔傑·論政】

美國同加拿大呢兩個多年盟友，關係正急速惡化！ 美加最新一輪貿易談判宣告破裂，特朗普政府進一步向加拿大施壓，部分加拿大商品面臨高達50%關稅。加拿大方面亦拒絕輕易讓步，準備採取反制措施。原本只係政府之間嘅貿易爭端，如今更加逐步演變成加拿大民間嘅反美情緒。 最具象徵性嘅一幕，就係加拿大足球賽事期間，當美國國歌奏起，現場再次傳出明顯噓聲。 加拿大唔係美國嘅傳統敵人，而係美國最重要嘅鄰國及盟友之一。兩國經濟、能源、供應鏈以至軍事安全高度融合，但特朗普一方面以關稅向加拿大施壓，另一方面過去又多次拋出所謂「加拿大成為美國第51州」嘅言論，究竟係咪反而刺激加拿大民族情緒，將一場經濟爭端逐步變成國家尊嚴之爭？ 更加值得留意嘅係，特朗普一直相信美國擁有全球最大市場之一，只要利用關稅作為武器，其他國家最終就要向美國讓步。但當美國連加拿大呢種最親密嘅盟友都用同一套方式施壓，結果會唔會適得其反？ 加拿大短期內當然難以擺脫對美國市場嘅高度依賴，但美國愈係利用呢種依賴作為談判武器，加拿大就愈有理由思考降低對美國依賴、拓展歐洲及亞洲市場。 所以今次值得討論嘅，已經唔單止係50%關稅。 美國真正付出緊嘅，可能係多年累積返嚟嘅盟友信任同國際軟實力。 當加拿大球迷開始噓美國國歌、民間抵制美國貨嘅聲音升溫，美國究竟係透過關稅得到更多利益，定係特朗普親手將自己最親密嘅盟友愈推愈遠？ 今集《肥仔傑·論政》，同大家由美加貿易談判破裂講起，分析加拿大反美情緒升溫背後嘅原因，以及特朗普關稅外交可能為美國帶來嘅長遠代價。 #加拿大 #美國 #特朗普 #美加貿易戰 #關稅 #加拿大反美 #貿易戰 #國際局勢 #國際新聞 #肥仔傑 #肥仔傑論政