جفران بن هضبان & محمد ال دلبج 🔥👏 هبوب النود ، رمز الشهامه ، سيف المؤسس ، وريث المجد 🔥👏 جديد 2022

بسم رب نعبده لا شريك له ولا معبود ومن يعبد سواه فـ بشره بالذنب والخيبه سلام الله سلام عد ماهبت هبوب النود على رمز الشهامه والوفا والعز والهيبه بـ ورد الطايفي والمسك والعنبر ودهن العود من حدود الكويت الى قطر والنود تنحي به على شيخ يحل المعضله ماهي عليه تكود جمع بين الثقافه والأدب والحلم والطيبه اقيادي اقتدا به قدوة ماهو يقاد يقود مثل سيف المؤسس فالزباره عقب تجريبه اهو مشعل ولد جاسم ونعم بالولد والعود وشبل ليث لامن طاب طيب الشبل من طيبه يمينه لاعطت تعطي العطايا الي بدون احدود يمين تفني الي في الرصيد وماحوا جيبه اذا هداج تيما مضرب امثال الكرم والجود فـ هو مثل المحيط الي السفن تقبل وتقفي به وريث المجد جدانه هل العليا ومنه وزود شيوخ فالنهار الشين غالي الروح تصخي به الا من راح عود في محل العود ينبت عود مامات اسم يخلف وان توفى خلده صيبه مثل مشعل قليل ينجبون البيض ولا السود ولا اقول استحى له بيضهم والسود تاتي به خويه مايهان وخوته تبعد عن المنقود وهو عز الخوي الي تجافى من معازيبه يراقب خالقه في ما عمل والموقف الموعود ويحب الصالحين ويكره اهل الذم والغيبه عسى عطر النبا يبطي على الدنيا وهو موجود مديحً يستحق المدح لا شكً ولا ريبه علي بن ريحان