Spāka LAB 2025 | Lolita Ozoliņa

2025. gods 13. novembrī Rēzeknis nūvoda Lūznovys muižā nūtyka rodūšuo seminaru cykla “Spāka LAB” seminars, kurā beja vareiba izzynuot plotuok par vītu i kulturtelpu zeimynu radeišonu, pošvaļdeibu vareibu latgalīšu volūdys populariziešonā i kūpīnu īsasaisteišonu vysaida leimiņa kulturvidis pasuokumu eistynuošonā. Latvejis Kulturys akademejis docātuoja, kulturys, vītys i personeibys zeimynvedeibys specialiste, Vydzemis lībiskuos kulturtelpys vadeituoja stuostā "Kultūrtelpas zīmološana praksē: kā atrast un stāstīt savas vietas stāstu". Seminaru reikuoja latgalīšu kulturys kusteiba “Volūda”, sasadorbojūt ar Latvejis Nacionalū kulturys centru, bet jū atbolsta Latvejis Republikys Kulturys ministreja. Seminaru cykla nūsaukumā, kas sovulaik rodīs latgalīšu kulturys kusteibys “Volūda” i kulturys instituta “New East” sadarbeibā, ar latgaliskū vuordu “spāks” īlykta spieju ceļšona, bet “lab” ir saeisynuojums nu vuorda “laboratoreja” – vīta, kura ar idejom, eksperimentim i procesim rūnās kas jauns, itymā gadīnī – kulturys nūzarē regionā. Video: Māris Justs