Ինչպե՞ս իմանալ Աստծո կամքը քո համար - 24-րդ Սաղմոս

Շատերը հարցնում են, թէ ինչպե՞ս իմանամ Աստծո կամքն իմ համար։ Աստվածաշունչը շատ հստակ պատասծանում է։ 24րդ Սաղմոսում ասում է "հեզերին սովորեցնում ես քո ճանապարհը։" Այսինքն եթե դու հեզ լինես, սիրես հեզություն և խոնարհություն, եթե դու ունենաս Աստծո երկյուղը, ապա Տերը քեզ կսովորեցնի իր ճանապահը։ Նույն սաղմոսում ավելի է հստակեցնում միտքը ու ասում "Ո՞վ է այն մարդը, որ վախենում է Տիրոջից, Տերը նրան սովորեցնելու է Իր ընտրած ուղին" (24։12)։ Այսինքն եթե դու ունենաս Աստծո երկյուղը, ապա Տերը քեզ կսովորցնի Իր ընտրած ուղին։ Բայց հասկանու՞մ ես, դու պետք է հեզ լինես, դու պետք է Աստծո երկյուղն ունենաս ու փնտրես Տիրոջ երեսը։ Աստծու երկյուղն ունենալը սուրբ բան է։ Հույս ունեմ որ լսում էք Հայ Եկեղեցու Արցախի թեմի կոչը և կարդում էք օրեկան 25 սաղմոս այս շաբաթ։ Սաղմոսները մեզ շատ բան են սովորեցնում Աստծո մասին, և հատկապես սովորեցնում են թէ ինչպես խոսել Աստծո հետ։ Այսօր Արցախի Աստվածամոր պահքի և Արցախի թեմի կոչած համազգային աղոթքի 2րդ օրն է։ Կարդում ենք 26-ից 50րդ սաղմոսները։ Գիտե՞ք, 50րդ սաղմոսը նաև համարվում է 150 սաղմոսները մի տեսակ թագն ու պսակը, ինչպես ընկերներիցս մեկն ասեց։ Մեր եկեղեցում ամեն օր ժամերգությունների մեջ, օրեկան կարծեմ 5 անգամ ասվում է այդ սաղմոսը։ Ժողովուրդ ջան, դուք էլ միացեք, մինչև ուրբաթ ներառյալ պահքը պահենք, զղջանք մեր մեղքերի համար և օրեկան մի 40 րոպե դրեք ու 25 սաղմոս կարդացեք։ Մեր եկեղեցու Արցախի թեմը հորդորել է այս շաբաթ ամբողջ Սաղմոսաց գիրքը կարդալ։ Գոնե փորձի համար մի 10 հատ սաղմոս կարդացեք ու կտեսնեք թէ ինչպես կլուսավորվի ձեր հոգին ու սիրտը։ Եվ իմացեք որ շատ հայ եղբայրներ ու քույրեր այս օրերին ձեր հետ միասին իրենց տեղերում այդպես են աղոթում, մեր մեր ապաշխարության, Աստծուն ավելի մոտենալու, մեր մեղքերի թողության ու հայրենիքի փրկության համար։