MCN Economy- 10 MLD euro buxheti 2027, por euro 90 lekë

Projektbuxheti prej 10 miliardë eurosh për vitin 2027 ka nxitur debate të ashpra mes ekspertëve të ekonomisë, të cilët ndajnë qëndrime të ndryshme mbi efektivitetin e politikave të reja fiskale dhe ndikimin e tyre të drejtpërdrejtë në xhepat e qytetarëve, pensionistëve dhe bizneseve. Gjatë një diskutimi të detajuar mbi shpërndarjen e fondeve, ku në fokus ishin pagat, pensionet dhe taksat mbi produktet e shportës, eksperti i ekonomisë, Pano Soko, u shpreh skeptik për efektin që do të ketë lehtësimi fiskal tek konsumatori. Nga ana tjetër, sa i përket ndryshimit të taksës mbi dividentin, Soko u shpreh në favor të lëvizjes së ekzekutivit. Ndërsa Fatos Fico mbajti një qëndrim tjetër sa i përket lehtësimeve të paralajmëruara për konsumatorët, duke vënë në dukje se ulja prej 6% e TVSH-së për ushqimet bazë pritet të ketë një impakt të ndryshëm në treg, megjithëse mbetet për t'u parë se sa do të përfitojë realisht qytetari. #mcntv #MCN #MCNEconomy