ទុគ្គតិភព #buddha #dhamma #ទុគ្គតិភព

ម្នាលអ្នកទាំងឡាយ ទុគ្គតិភព គឺជាអបាយភូមិ៤ ជាកន្លែងកើត ឬភពដែលពោរពេញទៅដោយទុក្ខលំបាក វេទនាក្រៃលែង មាន នរក១ ប្រេត១ តិរច្ឆាន១ និងអសុរកាយ១។ ហេតុដែលនាំឱ្យកើតនៅទីនោះ គឺដោយសារសត្វលោកក្រាស់ដោយ លោភៈ គឺសេចក្តីលោភលន់ ជាប់ជំពាក់ក្នុងកាម ចង់បានហួសប្រមាណ រហូតដល់ហ៊ានបៀតបៀនអ្នកដទៃ។​ ក្រាស់ដោយទោសៈ គឺសេចក្តីខឹងក្រោធ អន្ទះអន្ទែង ការមិនពេញចិត្ត ការថ្នាំងថ្នាក់ ឬការប្រទូស្តរ៉ាយ បង្កការលំបាកដល់ខ្លួនឯងនិងអ្នកដទៃថែមទៀត។ ក្រាស់ដោយមោហៈ គឺសេចក្តីងងឹតល្ងិតល្ងង់ អវិជ្ជា មិនដឹងខុសមិនដឹងត្រូវ មិនដឹងបុណ្យមិនដឹងបាប សាងតែអំពើអាក្រក់។