掛念香港是可以的｜Pandora嘅故事｜BN(O) 一關一關過（三）

疫情期間一班半夜機，Pandora離開香港。飛機關門起飛嗰刻，佢話心入面好似裂開咗，到而家嗰種感覺仲喺度。 佢見到香港有啲轉變，自己接受唔到，又擔心自己會被同化，所以決定用BN(O)簽證嚟英國。初到英國，佢住Airbnb，人喺度但個心唔知去咗邊，成個人好唔自在，不停同自己講：唔係發緊夢，唔係嚟旅行，係要真係喺度重新生活。 最難過嘅一關，係身份。諗返喺香港建立嘅人際關係、工作上嘅成績，同埋自己係邊個，佢有一段時間好迷惘，唔知自己呢個年紀仲有冇能力由頭嚟過。佢努力做義工、學英文、做啲幫香港人嘅工作，仲喺度繼續搵自己。 移英五年，Pandora啱啱拎到永居，而家住喺Reading。佢想幫香港人建立聯繫，大家互相支持，繼續保住香港人呢個身份。 「掛念香港是可以的，不用一定要變成另一個自己。」 《BN(O) 一關一關過》係英國港僑協會製作嘅紀錄片系列，講香港人用BN(O)簽證嚟英國生活，要過啲咩關。