Timor-Leste Selebra Progresu CPLP iha Dékada Tolu Hodi Hafoun Espíritu Fundadór

DILI, 18 Agostu 2026 – Prezidente Repúblika (PR), José Ramos-Horta, afirma katak Timor-Leste konsidera priviléjiu bo'ot atu dala ida-tan asume Prezidénsia Pro Tempore Komunidade País sira Lian Portugés nian (CPLP), iha tinan ne’ebé CPLP selebra nia aniversáriu bá dala-30. PR Ramos-Horta hato’o deklarasaun ne’e iha jantar gala hodi selebra aniversáriu CPLP bá dala-30, ne’ebé marka prezensa Primeiru-Ministru, Kay Rala Xanana Gusmão, no Ministru Estadu sira hosi nasaun membru CPLP, iha Palásiu Nobre, Lahane, Dili, tersa (18/08). Sirkunstánsia esepsionál sira ne’ebé lori Timor-Leste bá prezidénsia rotativa CPLP kontribui maka’as bá eskolla tema prezidénsia, “Konsolidasaun Estadu Direitu Demokrátiku no Dezafiu sira ba CPLP”.