တရုတ်ထမင်းကြော်

တရုတ်ထမင်းကြော် (၃ပွဲစာ) တရုတ်ထမင်းကြော်ဆိုတာက အနံ့လေးကမွှေးပြီး အိုးကင်းအနံ့လေးပါမှ ပြီးပြည့်စုံပါတယ်။ အဲ့လိုလေးမွှေးနေအောင်ကြော်ဖို့ တခါသိသွားရင်တော့ အရမ်းလွယ်ပြီး ခဏခဏလုပ်စားမိမှာအသေအချာပါပဲ။ အခုVideo လေးထဲမှာ အဲ့လိုမျိုး အိုးကင်းအနံ့လေးကော မွှေးကြိုင်နေအောင်ဘယ်လိုကြော်လဲဆိုတာ ကြော်ပြထားပါတယ်။ နောက်တခုကတော့ တရုတ်ထမင်းကြော်မှာပါတဲ့ ကြက်ဥကြော်နည်းလေးပါ။ ကြက်ဥလေးကို Video လေးမှာပြထားသလိုမျိုးသာ ကြော်စားကြည့်ပါ။ နောက်တခုပြောစရာရှိတာလေးကတော့ ဆိုင်လိုမျိုး ခပ်အီအီလေးဖြစ်ချင်ရင်တော့ ဝက်ဆီနဲ့ကြော်ရပါတယ်။ ဝက်ဆီမရှိရင် ဝက်အူချောင်းကထွက်တဲ့ဆီနဲ့ကြော်ရင်လဲရပါတယ်။ Video ထဲမှာတော့ ရိုးရိုးဆီနဲ့ပဲကြော်ပြထားပါတယ်။ Video လေးမှာပြထားတဲ့အတိုင်းလေးလိုက်လုပ်တာနဲ့ကို အလွန်ပြီးပြည့်စုံတဲ့ ထမင်းကြော်ကောင်းကောင်းလေးတပွဲကို ရရှိမှာပဲဖြစ်တာမို့ ကြည့်ကြည့်လိုက်နော်။ ပါဝင်သောပစ္စည်းများ ၁။ အအေးခံထားသော ထမင်း - တရုတ်ထမင်းစားပန်းကန် ၃ လုံးစာ ၂။ ကြက်သား - ၁၅ ကျပ်သား ၃။ ဘိုစားပဲသီးတောင့် - ၁၅ တောင့် ၄။ မုန်လာဥနီ - ၁ ဥ ၅။ ပန်းမုန်လာ - လက်တဆုပ်စာ ၆။ ကြက်သွန်ဖြူ - ၃ မွှာ ၇။ ကြက်ဥ - ၃ လုံး ၈။ ABC ပဲငံပြာရည်အကျဲ - ထမင်းစားဇွန်း ၃ ဇွန်း ၉။ ABC ပဲငံပြာရည်အပျစ် (ကြာညို့) - လက်ဖက်ရည်ဇွန်းလေးပုံ၃ပုံ ၁၀။ ဆား - လက်ဖက်ရည်ဇွန်း လေးပုံတပုံ ၁၁။ သကြား (သို့) အချိုမှုန့် - လက်ဖက်ရည်ဇွန်း ၁ ဇွန်းခွဲ ၁၂။ ကြက်သားမှုန့် - လက်ဖက်ရည်ဇွန်း တဝက် ၁၃။ တရုတ်မဆလာ - လက်ဖက်ရည်ဇွန်း ၁ ဇွန်း ၁၄။ ခရုဆီ - ထမင်းစားဇွန်း ၁ ဇွန်း နှင့် လက်ဖက်ရည်ဇွန်း တဝက် ၁၅။ ဆီ - ထမင်းစားဇွန်း ၇ ဇွန်း (ထမင်းစားဇွန်း ၁ ဇွန်း = 1 tablespoon = 15 ml) (လက်ဖက်ရည်ဇွန်း ၁ ဇွန်း = 1 teaspoon = 5 ml)