Edicioni i Lajmeve Tv Klan 19 Tetor 2026, ora 19:30 | Lajme - News

Lajme, #edicioniinformativ ora 19:30, 19 Tetor 2026 #TvKlan #klanlajme Spiker: Reis Çiço Headlines Dita e shtatë, sërish tensione në Tiranë. Protestuesit sulmojnë Gjykatën e Apelit dhe ministritë Dita e shtatë e protestës pati sërish tensione dhe përplasje në Tiranë mes qytetarëve dhe forcave të rendit. Protestuesit sulmuan Gjykatën e Apelit. Policia arrestoi 5 persona, ndërsa 15 të tjerë u shpallën në kërkim. Nuk munguan sulmet ndaj ministrive nga protestuesit. Policia i shpërndau me gaz lotsjellës. Rama: Dialog, por jo me dhunën. Gjykatat po lirojnë zjarrvënësit. 2500 euro policëve në front Kryeministri Rama shprehet i hapur për dialog, por jo me ata që qëndrojnë pas akteve të dhunës. Ai akuzoi gjykatësit se po lirojnë zjarrvënësit me maska, ndërsa premtoi 2500 euro shpërblim për çdo efektiv të angazhuar në mbrojtjen e rendit. Berisha: Rama kërkon konflikt të gjerë. Po përdoren bandat për të shtypur protestën Kryetari i Partisë Demokratike, Sali Berisha, thotë se kryeministri kërkon me çdo kusht që ta çojë vendin në një konflikt të gjerë dhe e akuzoi se po përdor bandat kriminale për të shtypur protestën e qytetarëve. Protesta paralizon biznesin në Tiranë. Subjektet ulin qepenat dhe largojnë mallin Kaosi i shkaktuar nga protesta që prej shtatë ditësh zhvillohet në Tiranë ka prekur më së shumti biznesin privat. Një pjesë e subjekteve në qendër janë shkatërruar dhe grabitur, ndërsa të tjerat kanë ulur qepenat dhe kanë larguar mallin. Protestat në Francë, orë policore kundër dhunës. Protestuesit në Itali, deri në 15 vjet burg Presidenti francez Emmanuel Macron dënon dhunën në protestat e fundjavës dhe refuzon dorëheqjen e ministrit të Brendshëm. Qeveria franceze shpalli “orën e pjesshme policore”, ndërsa në Itali, protestuesit e dhunshëm rrezikojnë deri në 15 vjet burg. Ushtaraku vret dy vëllezër dhe plagos të tretin në Bathore, arrestohet nga policia Dy të vrarë dhe një i plagosur në Kamzë. Një efektiv i Policisë Ushtarake vrau me armë zjarri dy vëllezër dhe plagosi të tretin. Autori u arrestua, ndërsa krimi dyshohet se ndodhi pas një konflikti banal për një rrugë. SUBSCRIBE to “RTV KLAN” on YouTube for more videos! Email: info@tvklan.al Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/