Mahakaal Strot

ॐ महाकाल महाकाय महाकाल जगत्पते । महाकाल महायोगिन् महाकाल नमोऽस्तुते ॥ १॥ महाकाल महादेव महाकाल महाप्रभो । महाकाल महारुद्र महाकाल नमोऽस्तुते ॥ २॥ महाकाल महाज्ञान महाकाल तमोऽपहन् । महाकाल महाकाल महाकाल नमोऽस्तुते ॥ ३॥ भवाय च नमस्तुभ्यं शर्वाय च नमो नमः । रुद्राय च नमस्तुभ्यं पशूनां पतये नमः ॥ ४॥ उग्राय च नमस्तुभ्यं महादेवाय वै नमः । भीमाय च नमस्तुभ्यं ईशानाय नमो नमः ॥ ५॥ महाकालाय शर्वाय महेश्वराय ते नमः । नीलकण्ठाय रुद्राय पशुपतये नमः ॥ ६॥ त्र्यम्बकाय नमस्तुभ्यं त्रिपुरघ्नाय ते नमः । कालकालाय देवाय मृत्युंजयाय ते नमः ॥ ७॥ नमः शिवाय शान्ताय कारणत्रयहेतवे । निवेदयामि चात्मानं महाकाल नमोऽस्तुते ॥ ८॥