DD News Mizoram Chanchinthar | 4 November 2026 | 6:30 PM

CHANCHINTHAR LANGSAR Local: 1) Chief Minister Pu Lalduhoma'n Administrative Training Institute-a Foundation Training nei mekte chu thil thar tha zawk ngaihtuah chhuak thiam turin a fuih. 2) Health Minister Pi Lalrinpuii'n Mizoram State AIDS Control Society (MSACS) buatsaih, Surakshit Districts (Mobilization for AIDS Suraksha - MAS) chawimawina Samaan Samaaroh a hmanpui a. Tun hnaia Surakshit District-a puan tak Mizorama District palite hnenha lawmpuina thilpek a hlan nghal. 3) Art & Culture Minister Pu C. Lalsawivunga’n ni thum awh tur Mizoram Tribal Film Festival 2026 a hawng 4) Dungtlang Vangpui Kut Vawi 40-na" chu Environment, Forest & Climate Change Minister Pu Lalthansanga chuan Kut Pa niin a hmanpuia, he kut hriattengna puala lungphun a hawng bawk. 5) Aizawl West-II bialte tana inelna, 'Aizawl West-II MLA Cup 2026' chu nizan khan Youth Activity Centre, Dawrpui Vengtharah hawn a ni a, bialtu MLA leh Minister ni bawk Pu Lalnghinglova Hmar chuan a hmanpui. 6) Dan dik lova pension late zawn chhuahna kalzelah Mizoram Puma Treasury office atanga pension la zinga mi 674-ten dan dikloin pension an la tih an hmuhchhuak tawh. 7) Mizoram Pradesh Congress Committee Publicity Board Chairman Pu PC Laltlansanga'n thuthar lakhawmtute kawmin ZPM sorkar chuan Mizoam chu 'Ba Hmunah' an siam mek a ti. 8) Pangpar zuar Association chuan Ni 5 chhung awh tur Flower Fair chu Aijal Club Park-ah an buatsaih. National: Union Home Minister Amit Shah chuan Chhattisgarh chu Naxal helte laka a zalen tak avangin hmasawnna kawng thar a zawh mek thu a sawi. Defence Minister Rajnath Singh chuan ralthuam leh venhimna kawngah ram dang laka innghat lova mahni kea din a pawimawh thu a sawi. Information and Broadcasting Minister Ashwini Vashnaw chuan Union Cabinet-in India ram clean energy programme tihchak leh zual nan 92 Gigawatt-hour energy storage scheme an pawm thu a tarlang. Union Road Transport and Highways Minister Nitin Gadkari chuan India ramah electric lirthei (EV) hman leh hralh chhuah a pun chhoh mek thu a sawi. Ministry of External Affairs chuan Uzbekistan-a medical zir tur India zirlaite chu inbumna laka an him theih nan sawrkarin a ngaihven zui zel thu a sawi. US midterm inthlan neih mekah Democratic Party chuan hnehna changin, Senate seat 100 zinga 54 la in rorelna sang zawk an thunun. Follow DD Mizoram:   / ddnewsmizoram     / ddnews_mizoram     / ddnewsmizoram