أفراح الماجدي كلمات طلال بطي الماجدي اداء حمد المري جديد2019

أفراح الماجدي كلمات طلال بطي الماجدي اداء حمد المري قولو لمنشدها حمد يرهي مداه احبال صوته ماشكت برخوّها قدحتها من طيب راس وطيب جاه صوته يدبل قوّها وغلوّها من قدح راسن لا بغى الطيب قناه رام الجزايل وانثنت له قوّها اسمع يا مغتاب الجزايل بنتباه جتك الذي من بْعد يسمع دوّها جاتك تكاشف يا عساها للحياه جتك الذي يرجي مطرها جوّها جتك الذي تبي تناقلها الرواه مترادمه سودا يغرّق نوّها هي بندقن ثارت من اللي له صداه رجت رخاوت راسك وهي توّها لا صار حبْك تطحنه دورة رحاه صافح يدين ماتطول علوّها حذراك من ميدان به لغم ورماه لا تنخدع بالساحه وبخلوّها لا من قدح راسي تقادح من بلاه يطرون لي ربعي عساك فدوّها اربوعي الماجد كما جبال السراه مداتهم ياطيبها .. وارهوّها حنا نعد الطيب والد حن ضناه واعقوقنا له سيتن ياسوّها الماجدي ماهو يخّون باخوياه حنا اخويانا عزّها وحموّها الشعر نرقى به ونرفع مستواه طو القصايد لا حضرنا طوّها ----------- لامن دعيت ونخاني طيب السيره حاضر وشعري لهم شرعت بيبانه يكتب له اللي مايكتب في حدن غيره بركت له من شرايد فكري اسمانه شاعر يسوق الذي ماسيق لمنيره يسوق جزلٍ يغيض كبود عدوانه القاف لامن بغيته ماني اشيره اثبت اركانه لربعي وسيسانه بسم الذي جعل بالجنات اساريره ويالله عسى بالجنان يثبت اركانه بطي فقيده مايذكر غير في خيره ولعيون عود سميه سقت قيفانه في محفل اللي ماقد حسّب مخاسيره يامرحبا واعتبْر واحد من اخوانه يامرحبا عدّ نواره ونويره واعداد ماسيّلت وديان ديانه متملك الطيب في شتى حذافيره متوارث الطيب جدانه وشيبانه من حبنا للشجاع وطيب تقديره نقدح سطر مانغني دان يادانه موسى ليامن نخيته درع وذخيره ماهو من اللي مسكر باب ديوانه حرٍ كفخ في هجوسي ناوي الطيره مايكفخ الا لجدانه وصدقانه اشوف حال القصيده كنها فقيره اشوفها كنها ضميا وعطشانه الماجد ان كان ماتذكر على السيره احس كن القصيده مالها خانه شوّشت انا ياربوعي علها خيره لا شاش راسي تراخت شدت عنانه راسي لمن شاش يقدح من سعاطيره ترقص جنون الحميّا فيه طربانه مانعرف الذل لو هي حبة اشعيره اكفوفنا الحمدلله طيب مليانه ستر الهنوف وهل الفزعات والغيره واللي تطاول نقّصر طول سيقانه