Tu Raja ki Raj Dulari...Har Har Mhadev Ragni..Dada Mange Ram Never Skip Low Quality Video

वार्ता- ब्राह्ममण की बात सुनकर भगवान शिव जी क्या कहते है:- वा राजा की राजकुमारी मैं सिर्फ लंगोटे आला सूं, भांग रगड़ कै पीवणियां मैं कुण्डी सोट्टे आला सूं ।।टेक। उसकी सौ सौ दासी टहल करैं आडै एक भी दासी दास नहीं, वा शाल दुशाले ओढण आली कम्बल तक मेरे पास नहीं, क्यां के सहारै जी लावैगी आडै शतरंज चौपड़ ताश नहीं, वा बागां की हरियल कोयल आडै बर्फ पड़े हरि घास नहीं, मेरा एक कमण्डल एक कटोरा मैं फूटे लोट्टे आला तूं ।। 1।। वा पालकियां में सैर करै मैं बिना सवारी रहया करूं, वा सौ सौ माल उडावण आली मैं पेट पुजारी रहया करूं, उसनै घर बर जर चाहिए मैं सदा फरारी रहया करूं, लगा समाधि तुरिया पद की मैं अटल अटारी रहया करूं, उनै जुल्फां आला बनड़ा चाहिए मैं लाम्बे चोट्टे आला तूं ।।2 ।। मैं अवधूत दर्शनी बाबा मेरा रंग राग देख कै डरज्यागी, मैं राख घोल कै पिया करूं मेरा भाग देख कै डरज्यागी, पंच धूणा के बीच तपू वा आग देख कै डरज्यागी, मेरै सौ सौ सर्प पड़े रहैं गल में नाग देखकै डरज्यागी, वा साहूकार की बेटी सै मैं खस्‍सी टोटे आला सूं ।।3।। किसे राजा के संग शादी कर दो इसा मेल मिलाणा ठीक नहीं, जुणसा खेल रचाया चाहो इसा खेल खिलाणा ठीक नहीं, जिसकी दोनूं धार घणी पैनी इसा सेल चलाणा ठीक नहीं, मैं फीम धतूरा भांग पिवणियां तेल पिलाणा ठीक नहीं, मांगे राम बोझ मरज्यांगी मैं जबर भरोटे आला सूं ।।4।। #folksong​ #ragni​ #satbir​ #ragnicompetition​ #vikaspasoriya​ #lakhmichand_ragni​ #Rajendarkharkiya​