Sevəcəyəm Yenə (Cover Lyric 2026)

Sevəcəyəm Yenə Dünən də sevmişdim, bu gün də sevdim Sabah da sevəcəm, bilsin bu aləm. Hər açan səhərdə, hər ötən gündə, Eynilə ilk günkü vuran ürəyəm. ​Zaman axıb getsin, ömür tükənsin, İllər sıraya da düzülsə, nə qəm? Sevginin odunda yansın bu ömrüm, Başqa bir sevdaya eyləməz həmdəm. ​Gündüzün günəşi, gecənin ayı Sənin gözlərindən alır nurları Sən mənim ömrümün əbədi payı, Sən mənim ruhumun doğma diyarı. ​Dünənim səninlə keçdi mənalı, Bu günüm bəzənib sənin adınla. Gələcək günlərin nur pərvanəsi Qonub ürəyimə öz qanadıyla. ​Neçə-neçə sabah gələcək hələ, Hər yeni səhərdə açacaq çiçək. Dünyanın sonuna varsaq da belə, Bu coşqun məhəbbət sönməyəcəkdir. ​Dağlar diz çökərsə, dəniz qurusa, Fələk çarxını da tərsinə bursa, Araya ayrılıq, həsrət də dolsa, Səni ilk günkü tək sevəcəm yenə. ​Bir anlıq bu dünya yox olsa əgər, Ulduzlar tökülsə, göylər qaralsa, Yerdə nə torpaq, nə daş da qalsa Varlığın sonuyla sevəcəm səni ​O biri dünyada, ruhlar içində, Yenə axtararam sənin izini. Özgə bir aləmdə, özgə biçimdə Yeni dünyalarda sevəcəm səni ​Sevginin sərhədi, həddi olmaz ki Nə bu dərddən doyar, nə də yorulmaz. Bu pak məhəbbətİn paklığı qalar, Əbədi dünyayla sevəcəm səni Ruhum ruhun ilə qovuşub artıq, Nə əcəl qorxudar, nə sonrakı yol. Bu fanı dünyada bir iz qoymuşuq, Sən mənim dünyam ol, mən isə zərrə. Ömrün hər fəslində, hər qədəmində, Açılan çiçəkdə, yağan yağışda. Yazaram eşqini qəlbin küncündə, Özümü taparam tək bir baxışda. ​Ulduzlar sönsə də, göylər çöksə də, Zaman axınını saxlasa bir an, Ürək son anında bircə döyünsə, O son döyüntüm də sən olacaqsan ​Tanrıdan lütv olub bu sevgi bizə, Nə əcəl toxunar, nə soyuq məzar. Xəyallar gerçək tək görünsə gözə Bizim sevgimizdən bir dastan qalar. ​Fələk tərs fırlansa, qopar qiyamət, Ruhum daş altından hayqırar yenə. Dünyam sənin eşqin, bu bir həqiqət: Qəbir torpağı da dar gələr mənə. ​Ulduzlar sovrulub toz-torpaq olsa, Əcəl badəsini içsə kainat, Gözümün işığı əbədi solsa, Mənim sevgim ilə can tapar həyat. ​O biri aləmdə möhnət içində, Min ruhun içindən taparam səni. Gözünün bir zərrə nur işığında Yenidən yaşaram sonsuz sevgini. Bizi birləşdirən bu pak məhəbbət Bütün dünyalardan böyükdür, inan. Cismimiz torpağa qarışsa belə, Ruhumuz bir olub yaşayar hər an. ​Mən səni dünənin həsrətiylə bil, Bu günün bir coşqun, dəli eşqiylə, Bütün gələcəyin ümidləriylə Əbədi sevgiylə sevəcəyəm bil ​Nə cənnət həvəsi, nə od qorxusu Sənin yoxluğun tək yandırmaz məni. Tanrıdan tək bircə duamdır eşit Ruhumuz qovuşsun ayrılmasın heç Sözlərin müəllifi kanal sahibinə məxsusdur 2026