საქართველოს ნაკრების გამარჯვება ევრობასკეტზე

გამოშვებას ვიწყებთ კვიპროსის ქალაქ ლიმასოლით, სადაც საქართველოს საკალათბურთო ნაკრები და ქართველი ქომაგები ისტორიულ გამარჯვებას ზეიმობენ. ალექსანდრ ჯიკიჩის გუნდმა ევრობასკეტ 2025-ზე ევროპის მოქმედი ჩემპიონი დაამარცხა. ესპანეთის ნაკრებთან დღევანდელი თამაში ანგარიშით 83:69 დასრულდა. დარჩენილი ოთხი თამაშიდან ახლა საჭიროა მინიმუმ კიდევ ერთი მოგება, რომ ჩვენი ნაკრები C ჯგუფიდან გავიდეს და პლეიოფში მოხვდეს. წარმატებული დასაწყისი ევროპის ჩემპიონატზე და უძლიერესი მეტოქის მარცხი, რასაც საკმაოდ დიდი რეზონანსი მოჰყვა: დღევანდელი თამაში საკმაოდ დაძაბული აღმოჩნდა. სასტარტო შემადგენლობაში იყო გუნდის კაპიტანი თორნიკე შენგელია, რომლის ყოფნა მოედანზე ჯანმრთელობის გამო ბოლო მომენტამდე კითხვის ნიშნის ქვეშ იდგა. საქართველო-ესპანეთს ნაკრებების მატჩის საუკეთესო მოთამაშედ სანდრო მამუკელაშვილი დასახელდა, რომელმაც ნაკრებს 19 ქულა მოუტანა. წინ იტალიასთან თამაშია, რომელიც ორ დღეში გაიმართება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.