XƏSTƏLİK VƏRƏQƏLƏRİNƏ GÖRƏ MÜAVİNƏTİN HESABLANMASI !!! - 2026

Azərbaycan Respublikasının Baş naziri Əli Əsədovun 30 yanvar 2026-cı il tarixli, 31 saylı qərarı ilə “Məcburi dövlət sosial sığortası üzrə ödəmələrin və əmək qabiliyyətini müvəqqəti itirmiş sığortaolunanlara sığortaedənin vəsaiti hesabına ödənilən müavinətin hesablanması və ödənilməsi haqqında Əsasnamə” yeni redaksiyada təsdiq edilib. Qaydalara əsasən, əmək qabiliyyətinin müvəqqəti itirilməsinə görə müavinət, əmək qabiliyyətinin müvəqqəti itirildiyi aydan əvvəlki ardıcıl 4 rüb üzrə sığortaolunan üçün hesablanmış və ödənilmiş məcburi dövlət sosial sığorta haqlarının dörd misli əsasında müəyyən edilir (bundan sonra – qazanc). Hesablama düsturları MM = TGS × OQM burada: MM – əmək qabiliyyətinin müvəqqəti itirilməsinə görə müavinətin məbləği; TGS – əmək qabiliyyətinin müvəqqəti itirildiyi dövrdəki təqvim günlərinin sayı; OQM – bir təqvim gününə düşən orta qazancın məbləği. OQM = ÜQM / BTG burada: ÜQM – əmək qabiliyyətinin müvəqqəti itirildiyi aydan əvvəlki ardıcıl 4 rüb ərzində sığortaolunanın ümumi qazancı; BTG – bölünən təqvim günlərinin sayı. BTG = ÜTG – ÇTG burada: ÜTG – ardıcıl 4 rüb üzrə cəmi təqvim günlərinin sayı; ÇTG – Qaydanın 2.13-cü bəndinə uyğun olaraq hesablama zamanı çıxılan günlər.