राजकीय पक्ष आणि चिन्हे संविधानिक नाहीत | Partyless India Movement | Dr. Sachin Pethkar Podcast

भारतीय संविधानाने अधोरेखित केलेली लोकशाही अद्याप भारतात पूर्णपणे लागू झालेली नाही. भारतीय निवडणूक आयोगाच्या कार्यपद्धतीमुळे देशात खऱ्या लोकशाहीऐवजी पक्षशाही प्रस्थापित झालेली आहे. लोकशाहीच्या बुरख्याआड पार्टीशाही बोकाळली आहे. पक्षांच्या हिताला पोषक ठरणाऱ्या निर्णयांना आणि विकासकामांना प्राधान्य दिले जाते. त्यामुळे देशात विकासाऐवजी मतांच्या राजकारणाला चालना मिळाली आहे. संविधानात नमूद केलेल्या तरतुदी आणि प्रत्यक्षात लोकप्रतिनिधी निवडण्याची प्रक्रिया यामध्ये मोठा विरोधाभास आहे. उमेदवाराच्या पात्रता, प्रामाणिकपणा आणि कार्यक्षमतेपेक्षा पक्षाची विचारसरणी आणि निष्ठा महत्त्वाची मानली जाते, आणि ही समस्या सर्वच राजकीय पक्षांमध्ये आढळते. याच धक्कादायक वास्तवावर प्रकाश टाकत "पार्टीलेस इंडिया" या चळवळीचे सह-संस्थापक डॉ. सचिन पेठकर देशभरात जनजागृती करत आहेत.