ثاني الأعياد | كلمات فالح ابوعضيده | اداء : خالد ال بريك | ياثاني العيد قدرك عندنا مثل اول الاعياد

على متن الطريق اللي تمثنى العارض المنقاد تجاوزت الكثير ولا بقى الا غاية مرادي انا النو الغزير اللي ضفا واحرج هل الارصاد يقدي نوض براقي ويذهل صوت رعادي اغار امن الجبال اللي جعلها الله للارض اوتاد وانافسها ووقف مثلها في عيون حسادي يقولون الجدود ثورث الامجاد للأحفاد وقول امجادهم نوماس مير امجادي امجادي يازين الحاجه اللي ماتجي غير بتعب وجهاد تحسسك بشعور السلطنه لو منصبك عادي هجرت الوادي وجيت ادفع الخطوه على الأشهاد وشفت اكثر من اللي كنت اشوفه وآه يالوادي مادام الله معافيني وعندي للطموح عتاد ياخبل اللي يحسب انه يبي يفرح بمعوادي من يحس بشعور الفوز قبل انه يجي في الماد هو اللي يلفت انظار العرب بسلوبه الهادي لو ان اغلب قرارات البشر ما في طرفها عناد ماشفت البعض ينزف جرحه ولا زال متمادي نفوس الناس في تال الزمن ماهي على المعتاد تجي وتروح ماتدري من اتحب و من تعادي اعرف ان الظروف اتحط في الطيب رسن وقياد لو ان قلبه كبر قلب البعير وصبره مهادي ما يطلق قيده الا ربعه اليا كثرت الاضداد وانا الليله علومي بالفخر يشدي بها الشادي وقوفي بين ربعي والتحام الصف في الميعاد حصل في ثاني الاعياد واصبح ثالث اعيادي ياثاني العيد قدرك عندنا مثل اول الاعياد مع انّا كل يوم نعيش جو العيد في بلادي يامال العز يابلادٍ مانبغى غيرك اي بلاد هذا التاريخ يكتب سيرتك هجري وميلادي تسيدتي على كل الدول واملوكك الاسياد ماهم بسيادك الا سادت السادات واسيادي من معزي ليا سلمان مالحقك عنا وسهاد حوال اميه سنه وانتي من قيادي ليا قيادي تذعذع سمعة ملوك البلد وتفوح فوح قناد هذا الكيف الحقيقي ماهو بدله وبرادي عطانا الله محمد واكتفينا به واذا الله راد تسلطنا وعلمنا الشعوب ان ماله ملادي هذا مستقبل الامه حفيد اموسس الامجاد يقول طويق عرشي والجدي مركاي وشدادي ياحاكمنا المفدى كان تبغى من الرجال امداد ملوح المجد رهن اشارتك والاظلم البادي ترى ماهوب شرط الانتصار بكثرة الاعداد عن العشرة يسدك ملحيٍ مطنوخ ومفادي نشوش ونفتخر بالشَوشَه اللي جمرها وقاد ماهيب اللي مثل تشويشه البراق في الرادي عصبنا الرووس والاخصام مقرونين في الاصفاد وعدلنّا اللي منول يحب المشي متحادي ليا منه حدا الحادي وجاء في الوضع قدح زناد حدينا القوم واعلنا التحدي و احد ياحادي نذود بغالي الارواح دون الحد والاذواد وندهن لحية التاريخ بالكمبود والكادي بذلنا كل مانملك يوم ان الزاد مامن زاد واخذنا سمعةٍ يشر عليها المدح وينادي نقدر شيخنا ونحط له جنب الشداد شداد هذا شيخ القبيله والحقيقه نورها بادي مقام ابن وهطان يفوح ذكره والفعول سناد فتح قصره رغم كثر القصور وقصره مقادي عسى ربي يعيد افراحنا واعيادنا تنعاد وحنا بخير وا آمان ورخا و المجد لبلادي كلمات : فالح ابوعضيده