Mahishasura Mardini Stotram | इस स्तोत्र को सुनने से मिलेगी अपार सकारात्मक ऊर्जा |Ayi Giri Nandini

Ayi Giri Nandini 🌺 Mahishasura Mardini Stotram | Powerful Durga Stotram 🙏 Immerse yourself in the divine vibrations of Śrī Mahishāsura Mardinī Stotram, popularly known as “Ayi Giri Nandini.” 🌺 The stotram is especially cherished during Navratri, Durga Puja, Vijayadashami/Dussehra, and Devī worship. ━━━━━━━━━━━━━━━━━━━━ 🕉️ श्री महिषासुरमर्दिनि स्तोत्रम् अयि गिरिनन्दिनि — FULL TRADITIONAL TEXT ━━━━━━━━━━━━━━━━━━━━ अयि गिरिनन्दिनि नन्दितमेदिनि विश्वविनोदिनि नन्दिनुते । गिरिवरविन्ध्यशिरोऽधिनिवासिनि विष्णुविलासिनि जिष्णुनुते । भगवति हे शितिकण्ठकुटुम्बिनि भूरिकुटुम्बिनि भूरिकृते । जय जय हे महिषासुरमर्दिनि रम्यकपर्दिनि शैलसुते ॥ सुरवरवर्षिणि दुर्धरधर्षिणि दुर्मुखमर्षिणि हर्षरते । त्रिभुवनपोषिणि शङ्करतोषिणि किल्बिषमोषिणि घोषरते । दनुजनिरोषिणि दितिसुतरोषिणि दुर्मदशोषिणि सिन्धुसुते । जय जय हे महिषासुरमर्दिनि रम्यकपर्दिनि शैलसुते ॥ अयि जगदम्ब मदम्ब कदम्ब वनप्रियवासिनि हासरते । शिखरि शिरोमणि तुङ्गहिमालय शृङ्गनिजालय मध्यगते । मधुमधुरे मधुकैटभगञ्जिनि कैटभभञ्जिनि रासरते । जय जय हे महिषासुरमर्दिनि रम्यकपर्दिनि शैलसुते ॥ अयि शतखण्ड विखण्डितरुण्ड वितुण्डितशुण्ड गजाधिपते । रिपुगजगण्ड विदारणचण्ड पराक्रमशुण्ड मृगाधिपते । निजभुजदण्ड निपातितखण्ड विपातितमुण्ड भटाधिपते । जय जय हे महिषासुरमर्दिनि रम्यकपर्दिनि शैलसुते ॥ अयि रणदुर्मद शत्रुवधोदित दुर्धरनिर्जर शक्तिभृते । चतुरविचार धुरीणमहाशिवदूतकृत प्रमथाधिपते । दुरितदुरीह दुराशयदुर्मति दानवदूत कृतान्तमते । जय जय हे महिषासुरमर्दिनि रम्यकपर्दिनि शैलसुते ॥ अयि शरणागत वैरिवधूवर वीरवराभय दायकरे । त्रिभुवनमस्तक शूलविरोधि शिरोऽधिकृतामल शूलकरे । दुमिदुमितामर दुन्दुभिनादमहोमुखरीकृत दिङ्मकरे । जय जय हे महिषासुरमर्दिनि रम्यकपर्दिनि शैलसुते ॥ अयि निजहुंकृति मात्रनिराकृत धूम्रविलोचन धूम्रशते । समरविशोषित शोणितबीज समुद्भवशोणित बीजलते । शिवशिवशुम्भ निशुम्भमहाहव तर्पितभूत पिशाचरते । जय जय हे महिषासुरमर्दिनि रम्यकपर्दिनि शैलसुते ॥ धनुरनुषङ्ग रणक्षणसङ्ग परिस्फुरदङ्ग नटत्कटके । कनकपिशङ्ग पृषत्कनिषङ्ग रसद्भटशृङ्ग हताबटुके । कृतचतुरङ्ग बलक्षितिरङ्ग घटद्बहुरङ्ग रटद्बटुके । जय जय हे महिषासुरमर्दिनि रम्यकपर्दिनि शैलसुते ॥ सुरललना ततथेयि तथेयि कृताभिनयोदर नृत्यरते । कृत कुकुथः कुकुथो गडदादिकताल कुतूहल गानरते । धुधुकुट धुक्कुट धिंधिमित ध्वनि धीर मृदङ्ग निनादरते । जय जय हे महिषासुरमर्दिनि रम्यकपर्दिनि शैलसुते ॥ जय जय जप्य जयेजयशब्द परस्तुति तत्परविश्वनुते । झणझणझिञ्झिमि झिङ्कृत नूपुरशिञ्जितमोहित भूतपते । नटित नटार्ध नटी नट नायक नाटितनाट्य सुगानरते । जय जय हे महिषासुरमर्दिनि रम्यकपर्दिनि शैलसुते ॥ अयि सुमनःसुमनःसुमनः सुमनःसुमनोहरकान्तियुते । श्रितरजनी रजनीरजनी रजनीरजनी करवक्त्रवृते । सुनयनविभ्रमर भ्रमरभ्रमर भ्रमरभ्रमराधिपते । जय जय हे महिषासुरमर्दिनि रम्यकपर्दिनि शैलसुते ॥ सहितमहाहव मल्लमतल्लिक मल्लितरल्लक मल्लरते । विरचितवल्लिक पल्लिकमल्लिक झिल्लिकभिल्लिक वर्गवृते । शितकृतफुल्ल समुल्लसितारुण तल्लजपल्लव सल्ललिते । जय जय हे महिषासुरमर्दिनि रम्यकपर्दिनि शैलसुते ॥ अविरलगण्ड गलन्मदमेदुर मत्तमतङ्गज राजपते । त्रिभुवनभूषण भूतकलानिधि रूपपयोनिधि राजसुते । अयि सुदतीजन लालसमानस मोहन मन्मथराजसुते । जय जय हे महिषासुरमर्दिनि रम्यकपर्दिनि शैलसुते ॥ कमलदलामल कोमलकान्ति कलाकलितामल भाललते । सकलविलास कलानिलयक्रम केलिचलत्कल हंसकुले । अलिकुलसङ्कुल कुवलयमण्डल मौलिमिलद्बकुलालिकुले । जय जय हे महिषासुरमर्दिनि रम्यकपर्दिनि शैलसुते ॥ करमुरलीरव वीजितकूजित लज्जितकोकिल मञ्जुमते । मिलितपुलिन्द मनोहरगुञ्जित रञ्जितशैल निकुञ्जगते । निजगणभूत महाशबरीगण सद्गुणसम्भृत केलितले । जय जय हे महिषासुरमर्दिनि रम्यकपर्दिनि शैलसुते ॥ कटितटपीत दुकूलविचित्र मयूखतिरस्कृत चन्द्ररुचे । प्रणतसुरासुर मौलिमणिस्फुर दंशुलसन्नख चन्द्ररुचे । जितकनकाचल मौलिमदोजित निर्भरकुञ्जर कुम्भकुचे । जय जय हे महिषासुरमर्दिनि रम्यकपर्दिनि शैलसुते ॥ विजितसहस्रकरैक सहस्रकरैक सहस्रकरैकनुते । कृतसुरतारक सङ्गरतारक सङ्गरतारक सूनुसुते । सुरथसमाधि समानसमाधि समाधिसमाधि सुजातरते । जय जय हे महिषासुरमर्दिनि रम्यकपर्दिनि शैलसुते ॥ पदकमलं करुणानिलये वरिवस्यति योऽनुदिनं सुशिवे । अयि कमले कमलानिलये कमलानिलयः स कथं न भवेत् । तव पदमेव परम्पदमित्यनुशीलयतो मम किं न शिवे । जय जय हे महिषासुरमर्दिनि रम्यकपर्दिनि शैलसुते ॥ कनकलसत्कलसिन्धुजलैरनुषिञ्चति तेगुणरङ्गभुवम् । भजति स किं न शचीकुचकुम्भतटीपरिरम्भसुखानुभवम् । तव चरणं शरणं करवाणि नतामरवाणि निवासि शिवम् । जय जय हे महिषासुरमर्दिनि रम्यकपर्दिनि शैलसुते ॥ तव विमलेन्दुकुलं वदनेन्दुमलं सकलं ननु कूलयते । किमु पुरुहूतपुरीन्दुमुखी सुमुखीभिरसौ विमुखीक्रियते । मम तु मतं शिवनामधने भवती कृपया किमुत क्रियते । जय जय हे महिषासुरमर्दिनि रम्यकपर्दिनि शैलसुते ॥ अयि मयि दीन दयालुतया कृपयैव त्वया भवितव्यमुमे । अयि जगतो जननी कृपयासि यथासि तथानुमितासिरते । यदुचितमत्र भवत्युररीकुरुतादुरुतापमपाकुरुते । जय जय हे महिषासुरमर्दिनि रम्यकपर्दिनि शैलसुते ॥ 0:00 स्तुति का शुभारंभ 1:36 हिमालय की पुत्री का वंदन 4:05 नृत्य और संगीत का लय 6:56 दिव्य आभा और तेज 9:26 करुणा और दया की वर्षा #AyiGiriNandini #MahishasuraMardini #MahishasuraMardiniStotram #DurgaStotram #MaaDurga #DurgaMata #Navratri #DurgaPuja #Devi #Shakti #SanskritStotram #JaiMataDi #DurgaBhakti #DeviBhakti #SanatanDharma #Dussehra #Vijayadashami #DivineMelodyHub