ትዌድሶ መርዓት መዝሙር ዘማኅሌተ ጽጌ | Twiedso Merat Mezmur ze Mahilet tsige

ማህሌተ ጽጌ መዝሙር 1st week ቀዳማዊ መዝሙር ዘጽጌ እም ፳፯ እስከ ፪ ለጥቅምት በበአታ፣ በ፬ ትዌድሶ መርዓት እንዘ ትብል ነዓ ወልድ እኁየ ንፃእ ሐቅለ ት፥ ንርአይ ለእመ ጸገየ ወይን ወለእመ ፈረየ ሮማን ት፥ አሠርገወ ሰማየ በከዋክብት ወምድረኒ በስነ ጽጌያት ት፥ እስመ ውእቱ ወልድ ዋሕድ እግዚአ ለሰንበት ትዌድሶ መርዓት ወትብሎ ወልድ እኁየ ቃልከ አዳም። ዘግምጃ ቤት፣ በ፩ በቀዳሚ ገብረ ዘክረምት ወእምዝ መጸወ ዘጽጌያት ያሠምር እክለ ፈቂዶ በጊዜሁ ዕለታተ ሰንበታተ ለዕረፍት ወለመድኃኒት በከመ ተብህለ በነቢይ አክብሩ ሰንበትየ ትወርሱ ደብረ መቅደስየ። ዓራ፡ ለክርስቶስ ይደሉ ስብሐት ለዘአብጽሐነ እስከ ዛቲ ሰዓት እግዚአ ለሰንበት አኰቴት ነዓርግ ለመንግሥትከ ምድረ በጽጌ አሠርጐከ። ምል፣ አኰቴት ነዓርግ ለመንግሥትከ ምድረ በጽጌ አሠርጐከ። ሰላም፣ በ፫ ናሁ አስተርአየ ጽጌ መርዓቱኒ ትቤ ወልድ እኁየ ይምዕዝ ከርቤ ና፥ እንባቆም ነቢይ ግብረ ምግባሩ ለወልድ አንከርኩ ይቤ ና፥ ንጉሠ ሰላም ክርስቶስ ዓቢይ ልዕልናከ ወመንክር ስብሐቲከ ለዕረፍት ሰንበት ሠራዕከ።