خالد ال بريك & سالم مهدي المساعره - ساحة الظفره | سعيد بن مبارك القصيلي 2026

في ساحة الظفره الاحداث حصريه على الوعد يوم كلن حظر إبكاره واهل المرى حولوا مع كل مسميه والروس خويه على الناموس دجاره ساع احتمى وقع الاشواط الحماسيه وسن المفرد كسب تشويق وإيثاره وحضر سعيد بوفاء سودن غرابيه سندا شناحن وكنها بكبرها قاره حداد الاذاني وكنها إرماح ف الهيه عريضة الخد ولحينن زايد أشباره والخشم زامي على إسبالن رهاويه وعظم إرقبتها من النسنوس مظهاره منتلة الغارب ومن اللحم مبريه والعظم نادر مابين الطول وإجباره وانتزعة الاول وبالغصب جبريه وعلى قراها يلوح النصر وإشعاره مرواحها بالوشاح بوقت عصريه يسوى كنوز الاراضي واعظم تجاره وراع الهقاوي تخلى عن هقاويه يوم سرحت معه والاعصاب منهاره طبع القصيلي ماينتخ كون فرديه وعليها لاضفى رهانه يكسب الشاره ماهوب يسرح لشوط الفردي برعيه ويعود خسران ميراده ومصداره راعي نظر واثق إبقوة مشاريه ولايختلف مع مدى الأزمان معياره الشور من راسه ونار الفتى حيه ولايكسب العز منهوا كثر اشواره واللي تحدى مابين الضل و الفيه يوم اللقى مختفي راسه مع اذكاره ياسعيد ف اخصامك انجح ميسم الكيه واهجدهم وصبح بغاره ورى غاره ونوه ترا ب ساحة الميدان مثنيه وطير عسام الفضاء ثم ثور إغباره ولا عاد به رحمه ولافيه ماويه وشعيل جود خزامه وإقصر إهجاره ادعس على الداب في دربك مع الحيه والجم إحنوكن تزم القول ثرثاره واضرب هل الزور والاسماء الكباريه بيمنن سليطة وقع وإعزوم جساره وطوع رعى الغل لين يتوب من غيه وخله على ثرك إيبرر بكثرة إعذاره وافطم راع الزود عن كامل مشاهيه وذوقه صلوا الحراره من جمر ناره شتت طموحاته وإهدم له مبانيه وخله يضيق الفضاء من ضيقة إزراره ولو كان بالخد دمعه سال جاريه فلا يهمك وجعه وكثرة اضراره ياذخر ربعً مواقفهم بطوليه كسابة العز والناموس واحراره اسم المناصير والامجاد محميه من فعلهم اعتلى قسمه ومقداره جمع المناصير يعرف في ضحى الهيه لاصاح للحرب داعية و سباره كم شيخ وفارس رثوا قومه بمرثيه من فعلهم إحذفوا به عند قباره وترعى ابلهم من سطرهم كل وسميه تسهج حدود الطرف لو زادة اخطاره هيبة مناصير بالشيمه حماويه اهل الوفاء والكرم متسلسلن كاره