刑偵12丨林保怡演技炸裂令鍾澍佳忘記嗌cut 傅嘉莉與吳業坤有特別親熱戲

刑偵12丨林保怡演技炸裂令鍾澍佳忘記嗌cut 傅嘉莉與吳業坤有特別親熱戲 林保怡 回巢之作《刑偵12》終於喺5月19號晚首播，總監製鍾澍佳率領住Bowie 陳法蓉 陳自瑤 傅嘉莉 吳業坤 曹永廉 高鈞賢 張松枝 等一眾演員列陣記招。記者會上除咗播出劇集嘅精彩片段外，Bowie仲開金口同坤哥合唱劇集片尾曲。 Yoyo同Bowie喺劇中演一對，佢就話對住神級對手自己都變得好緊張，而監製亦畀空間演員自由發揮，有場戲Bowie好戲到連監製都唔記得嗌Cut呀！Bowie透露嗰場係一場冧樓戲，講佢同Yoyo喺三層樓高嘅場景，一齊墜落地下，Yoyo指當時因為Bowie太好戲，所以監製一直冇叫cut，而Bowie就指因為當時已經演到冇得演，所以只好叫救命，當佢叫咗幾聲後先聽到對方叫cut，事後就有人同返Bowie講，因為鍾澍佳睇得太投入一直喊，所以先唔記得叫cut機呀。 陳法蓉表面上就飾演Bowie嘅家姐，但就有網民留意到預告片中嘅佢暗藏反派味道，對此Monica就為自己辯護，指自己唔係一個壞人，只係一個好複雜嘅女人。 劇中飾演警司嘅Bowie，同演怪胎探員嘅張振朗，以及飾演心理學家嘅Kelly組隊緝兇，而飾演振朗其中一個人格嘅坤哥，就會同Kelly發展出一條感情線，當中仲有好多特別嘅親熱戲。而身為人夫嘅坤哥，就話拍親熱戲前都有同太太講聲，亦會解釋劇情畀對方知點解會有呢啲親熱戲份。 松枝同Bowie之前合作無間，佢都話今次再合作，無論文戲定武戲都係一拍即合呀。 《刑偵12》今晚起 星期一至五晚 20:30 翡翠台 #刑偵12 #林保怡 #鍾澍佳 #陳法蓉 #陳自瑤 #傅嘉莉 #吳業坤 #曹永廉 #高鈞賢 #張松枝 #片尾曲 #我和我們 #反派味道 #人格 #親熱戲 #太投入 #冧樓戲 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0