中國太空間諜曝光？神秘太空飛機「神龍」俾美國捉到正？點解美國要收埋881日而家先公佈？｜世界新聞研究所

美國一粒商業衛星，喺太空入面行近到唔夠 90 公里，影低咗中國最神秘嗰架太空飛機。90 公里點計？就係兩粒喺軌道上面高速飛緊嘅物體之間嘅距離，比港珠澳大橋成條 55 公里仲長三十幾公里，但喺太空入面，咁近已經好似擦身而過。呢張相，係 二零二四 年 5 月 28 號影嘅，一直收埋，到上個禮拜美國國防情報局出咗一份 130 頁嘅太空安全報告，先喺第 53 頁擺出嚟。相入面嗰架嘢，外界叫佢做「神龍」，中國官方就只係叫佢「可重複使用試驗航天器」。由第一次升空到而家，中方從來冇公開過一張佢喺太空入面嘅相。今次第一張清楚相，竟然係美國影嘅。 #世界新聞研究所 #美國商業衛星 #中國太空飛機 #飛龍