TAVE ME FILETO PULE E KOS/ SALLATE ME BIZELE BISHTAJE SHOQERUAR ME BOLLGUR (Receta nga znj.Katerina)

“Kendi I gatimit” ne News24 – 24 prill, 2020 TAVE ME FILETO PULE DHE KOS 2 fileto pule ose 1 pako salçiçe pule 1 qepë të thatë 1-2 domate 2-3 kokrra vezë 200-300 gr kos 1 lgj vaj ulliri 2 lgj gjalpë 2 lgj kus kus / bollgur / kuinoa Kripë, piper Fillimisht vendosim filetot e pulës të ziejnë për 5 minuta në ujë të vluar me pak kripë. Në një tavë të thellë hedhim filetot e pulës të prera në kubikë dhe qepën e grirë hollë. I spërkasim mirë me kripë dhe piper të zi. Rrahim vezët, më pas shtojmë kosin, 2 lugë kuinoa ose kus kus, kripë dhe piper. I trazojmë mirë dhe masën e përgatitur e hedhim në tavë. Vendosim dhe domaten të prerë në fetëza dhe e vendosim tavën në furrë të piqet në temperaturën 180-200 gradë për 30-35 minuta. SALLATE ME BIZELE BISHTAJE SHOQERUAR ME BOLLGUR 1 kg bizele bishtaje 5-6 qepë të njoma 2-3 hudhra të njoma 1 tufë koper ½ tufë majdanoz 4-5 lgj vaj ulliri 1 limon për servirje Kripë, piper i zi Bollgur për shoqërim Në një tenxhere me gjysmën e sasisë së vajit të ullirit kaurdisim qepët dhe hudhrat e njoma të grira hollë. I spërkasim me pak kripë dhe më pas shtojmë bizelet bishtaje dhe i lemë derisa të fillojnë të zbuten. Shtojmë koprën dhe majdanozin e grirë hollë, i trazojmë për 1-2 minuta dhe më pas shtojmë 1 filxhan ujë të ngrohtë. Vendosim kapakun dhe i lemë bishtajat të gatuhen në temperaturë mesatare. Pjesën e mbetur të vajit të ullirit e përziejmë me lëngun e 1 limoni me pak kripë dhe piper dhe e shtojmë në momentin ku do të servirim sallatën të cilën mund ta shoqërojmë me një kupë bollgur. ‪@News24Albania‬ ‪@Vila24News24‬ Subscribe në kanalin “News24 Albania” për më shumë lajme: shorturl.at/dyO67 Ndiq News24 ne facebook : https://bit.ly/2K4vrI4 Ndiq News24 ne instagram : https://bit.ly/2M9HsPn Ndiq News24 ne Twitter :   / news24al   #news24albania #news24 #lajmeshqip #lajme