अहिल्यानगर येथे होम मिनिस्टर कार्यक्रमाचा धमाका महिलांचा उस्फूर्त सहभाग

अहिल्यानगर, धुमाळवाडी, ता. बारामती | जय भवानी तरुण मंडळ, अहिल्यानगर धुमाळवाडी यांच्या वतीने आयोजित करण्यात आलेला 'होम मिनिस्टर - खेळ पैठणीचा' हा कार्यक्रम काल रात्री मोठ्या जल्लोषात आणि खेळीमेळीच्या वातावरणात पार पडला. या कार्यक्रमात फोटोमध्ये दिसत असलेल्या मजेशीर खेळांनी महिलांची चांगलीच धमाल उडवली. चेहऱ्यावर पीठ लावून खेळले जाणारे हे खेळ आणि महिलांचा उत्साह पाहण्यासारखा होता. मंडळाच्या सूत्रसंचालकाने महिलांना हसवत-खेळवत कार्यक्रमात रंगत आणली. रात्री उशिरापर्यंत चाललेल्या या कार्यक्रमाला धुमाळवाडी पंचक्रोशीतील शेकडो महिला भगिनींनी हजेरी लावली होती. पैठणी जिंकण्यासाठी महिलांमध्ये चुरस पाहायला मिळाली. संपूर्ण कार्यक्रमाचे नियोजन जय भवानी तरुण मंडळाच्या तरुणांनी अतिशय शिस्तबद्ध आणि सुंदर पद्धतीने केले होते. गावातील एकोपा आणि महिलांचा सन्मान जपणारा हा कार्यक्रम सर्वांच्याच कौतुकाचा विषय ठरला आहे. #baramati #baramaticity #baramatilive 24