جوزو معايا نهار تع تنظيف للبيت 🏡 راحة نفسية ليوم هادئ وروتين بسيط#روتيني_اليومي #روتين #راحة_نفسية

نتمنى من قلبي يكون الفيديو نال إعجابكم، وكان خفيف وظريف عليكم، ونتمنى نكون نفعتكم ولو بحاجة صغيرة، والأهم نتمنى هذا الروتين يكون حفّزكم شوية. إذا كنتِ قاعدة ومكسّلة، ولا حاسة روحك ما عندكش طاقة باش تنهضي، جربي غير تشمّري على يديك وتبداي تنظفي ركن صغير من بيتك؛ سواء الكوزينة، الصالة، غرفتك، ولا حتى غرفة الأطفال. لأنني بصراحة نؤمن بلي التنظيف ماشي غير حاجة نديروها باش يكون البيت نقي ومرتب، وإنما حتى الراحة النفسية اللي نحسو بيها من بعد عندها تأثير كبير علينا. مرات يكون في دماغنا ثقل، أو حاجة راهي تسنى فينا من مدة، وكل ما نشوفوها قدامنا يزيد علينا الإحساس بالعجز والتعب. لكن كي نبدأو نتحركو، ونرتبو، وننظفو، ونشوفو النتيجة قدام عينينا، نحسو وكأن حمل كبير تنحّى من علينا. نحسو بالهدوء، بالراحة، وبأنفسنا رجعت أخف. حتى النفسية كي تكون متعبة ومرهقة، مرات غير شوية حركة، شوية ترتيب وتنظيف، تخلي الواحد يحس روحو تبدّل. نرجعو نحبّو البساطة، ونعودو أنفسنا على الحركة وعلى الأمور اللي تعطينا إحساس بالإنجاز… لأنه فعلاً في الحركة بركة. 🤍 وبالمناسبة، حبيت نهدر أيضاً على حاجة شفت عليها بعض التعليقات في فيديوهاتي السابقة، وهي موضوع الموسيقى. أنا بالنسبة لي، الموسيقى جزء من الحياة اليومية، وجزء من الفن والطبيعة والإبداع. وأحياناً نحس بلي الإنسان، خصوصاً في هذا الوقت اللي ولّينا نعيشو فيه وسط ضغط كبير وأخبار كثيرة وتعب نفسي، يحتاج لحظات فيها هدوء وفن وجمال. ممكن يحتاج موسيقى، ممكن يحتاج رسم، ممكن يحتاج قراءة، ممكن يحتاج طبيعة، ممكن يحتاج يكتب، أو حتى يجلس في هدوء مع نفسه… كل واحد والشيء اللي يريّح قلبه ونفسه. وأكيد، ما كاش حاجة تعوّض القرآن وكلام الله، وهذا أمر بالنسبة لي واضح ومحفوظ في مكانته. 🤍 لكن أنا نهدر هنا على تفاصيل حياتنا اليومية، وعلى الأشياء البسيطة اللي نلقاو فيها لحظات من الهدوء والراحة. أنا شخصياً، كي نكون نخدم في الدار، مرات نحب نسمع موسيقى هادئة، مرات نسمع بودكاست، ومرات نسمع القرآن. كل يوم ووش تنفحلي نفسي ووش نحتاج في تلك اللحظة. نحب هذا التنوع في السمع، لأنني نحس أن النفس أيضاً تحتاج التنوع؛ مرة تحتاج كلمة، مرة تحتاج لحن، مرة تحتاج صمت، ومرة تحتاج تسمع كلام يقرّبها من الله. وفي الأخير، كل واحد فينا عنده طريقته الخاصة باش يخلق لنفسه لحظات صغيرة من السلام وسط زحمة الحياة. 🌷 نتمنى تكونوا استمتعتوا بهذا الروتين، ونتمنى الفيديو خفف عليكم ولو شوية، وحفزكم تقوموا ترتبوا حتى ركن صغير من بيوتكم… لأن مرات، كي نرتبوا المكان اللي حوالينا، نحسوا حتى أرواحنا ولات أهدأ. � My instagram for more little things or details/https://www.instagram.com/grannys_kit.... or my email 📧 for collaboration bellakitchen337@gmail.com