A treacherous society - Hamden TN

مانيش نادم عالصحاب... نادم عالثيقة... اللي عطيتها للكل... هاك الدنيا علّمتني... مانيـش نادم عالصحاب... كانو مفروض إخوات... نلوم روحي عالثيقة... عطيتها بالغلط لناس. مجتمع غدّار... يحبّك تحت... ما يحبّكش تفوت... يقولك الخير ليك... أما يكره يشوفك فوق. وينهم الأصحاب؟ الكلها لابسة MASK... نهار الشدة يغيبو... وتطيح الحقيقة مرّة. عملنا الباهي... قالولك زيد أكثر... كل ما تعطي يطمعو... ما يعرفوش كلمة "يكفي". حبّينا عباد بالنية... مشينا معاهم بالقلب... كلينا الماء والملح... حسبناهم دم وقريب. أما أول فرصة... باعوها بالرخيص... غدرو بينا... من غير حتى تفسير. نلوم روحي... ما نندمش... الثيقة هي اللي كسرتني. موش أي واحد يضحك... يعني بالحق يعرفني. نلوم روحي... ما نندمش... واليوم الدرس فهمتو. نخمم بمخي... موش بقلبي... والباب اللي تسكّر سديتو. مش كل قريب صاحب... ومش كل كلمة صدق... الضحكة ساعات سم... والنية تلقاها حقد. يستناو في طيحتك... باش يصفقو عليك... أما ربي كبير... والوقت يفضح الخبيث. رغم هذا الكل... بقيت واقف ما ميلتش... كل ضربة شدتني... وزادتني ما كسرتنيش. اليوم نصنع روحي... ما نستنى حتى حد... نمشي بطريقي... ونكتب إسمي بالحق. نعمل الباهي... خاطر هكا تربيت... موش باش نبدل روحي... على ناس خانت ومالت. إذا خذلتني الوجوه... ربي ما يخذلنيش... الثيقة تولي بميزان... وقلبي ما يحكمش في عيشتي. اليوم نخمم بمخي... وقلبي خليتو شاهد... في مجتمع غدّار... القوي هو اللي يصمد. #raptunisien #tunisianrap #راب #rap #اكسبلور #شيطانة #MUSIC #hamden #HamdenTN