Zawwar Banayenge | Exclusive Muharram 2026 Noha | Murtuza Jazib | Aun Pratapgarhi

"Zawwar Banayenge" An Exclusive Noha for Muharram 1448 / 2026 A heartfelt tribute to the lovers of Imam Hussain (A.S.) and the spiritual journey towards Karbala. May this humble effort be accepted in the court of Ahlulbayt (A.S.). 🎙 Central Idea, Concept, Composition & Recitation: Murtuza Jazib ✍️ Poet: Aun Pratapgarhi 🎬 Direction: Ustaad Mehdi Hussain 📝 Poetry Structure: Thaha Alipuri 🎤 Chorus: Rizwan Mirza 🎧 Audio Production: Tee Zee Productions 📹 Camera: Akram Editor Studio ✂️ Edits: MZH Records 🎨 Creatives: M Creatives Special Thanks: Hai’at-e-Karbala, Alipur Special Cooperation :Shozab Abbas Irfan Hyder Media support: Wasfe group & Yts group Intro :- Bechain rooh hai meri, dil beqarar hai. Lab par mere sada yahi ab baar baar hai. Aye kaash ham ko aisa zamana naseeb ho. Jis me Dar-e-Hussain pa jana naseeb ho. Jawab :- Ham bhi Dar-e-Maula par sar apna jhukayenge. Hamko Hussain ek din Zawwar banayenge. 1) Fariyaad se momin ki hain ghamgeen fizayen. Karte hain wo ro ro ke shab-o-roz duaen. Aye Hazrat-e-Shabbir hame jald bulayen. Bigdi hui taqdeer wahan jake banayen. Ham Hurr ki tarah bigdi taqdeer banayenge. 2) Ham jake bichayenge wahan farsh aza ka. Hoga wahan mazloomi-e-Shabbir pe girya. Pyasa jahan Sadaat ko tadpaya gaya tha. Mehmaan wahan ab koi pyasa na rahega. Ham naam-e-Sakeena par pani bhi pilayenge. 3) Ham mufliso nadaar hain, kuch maal na zar hai. Kis haal me jeete hain, sab unko khabar hai. Bechain hai dil, ashk rawan shaam-o-sahar hai. Bahte hue ashkon pe Shah-e-Deeñ ki nazar hai. Abbas se bulwayen ya khud wo bulayenge. 4) Jo dil pe guzarti hai wo sab unko batane. Saqqa-e-Sakeena ko har ik haal sunane. Wada jo azal se hai kiya usko nibhane. Ham nauha unhe Baali Sakeena ka sunane. Sardaab-e-Abul Fazlil Abbas me jayenge. 5) Mehnat se kamate hain jo din raat hamesha. Taqdeer se wo dekh len Dar aapka Maula. Karte hain shab-o-roz duaon me wo girya. Aulaad ki hoti hai yahi ek tamanna. Maa-baap ko bhi apne wo saath me layenge. 6) Aulaad se jin logon ki aaghosh hai khaali. Phailaye hue Dar pe hain daman wo Mawaali. Sheshmahe ke darbaar ki hai shaan niraali. Khaali kabhi jata hi nahi koi sawaali. Tum dekhna Asghar se aulaad wo payenge. 7) Ro ro ke tadapti thi jahan Zainab-e-Muztar. Khaime me kabhi jaati, kabhi aati thi bahar. Ghode se giraya gaya bhai ko zameen par. Sookhi hui gardan pe chala Shimr ka khanjar. Ham Tilla-e-Zainab ka sab haal sunayenge. 8) Hai Aun ki Jazib ki yahi ek tamanna. Darbaar-e-Shah-e-Deen me ho jald bulawa. Zawwar ki fehrist jo tayyar ho Maula. Abbas se keh den ke likhen naam hamara. Jab bhi wahan jayenge, ham nauha sunayenge. Slogans :- Har toote hue dil ki sada - Maula bula lo. Dikhla do hame Karbobala - Maula bula lo. Hai shaam-o-sahar lab pe dua - Maula bula lo. Bahte hue ashkon ki sada - Maula bula lo. Bikhre hue lafzon ki buka - Maula bula lo. Sansein kahin ab toot na jaye mere Maula. Deedar ho ab jald hame Karbobala ka. End…. 🔔 Don't forget to Like, Share & Subscribe for more Nohas, Manqabats and Islamic Content. #ZawwarBanayenge #MurtuzaJazib #Muharram1448 #Muharram2026 #Noha2026 #Karbala #ImamHussain #AunPratapgarhi #Azadari #ShiaNoha #Arbaeen #YaHussain #Muharram Only on YouTube: Murtuza Jazib ❤️🖤