كل هالتفكير… وبعدين؟ شو تعملي لما راسِك ما عم يوقف | Amina Podcast 🎙️

مو كل تفكير زايد سببه نفس الشي، ولهيك مو كل نوع منه بينفع معه نفس الحل. بهالحلقة من بودكاست بيني وبينك، منحكي عن الفرق بين التفكير اللي فعلًا بيحل مشكلة وبين التفكير اللي بيخلينا نعيد نفس الخوف مرة ورا مرة. منحكي عن ليش أحيانًا منضل نحلل موقف بعد ما يخلص، وليش الانتظار وعدم معرفة النتيجة ممكن يتعبونا أكتر من المشكلة نفسها، وليش بعض القرارات بتضل مفتوحة براسنا لأننا عم ندور على خيار مضمون ما نندم عليه. ومنحكي كمان عن القلق على أولادنا وأهلنا، وعن اللحظة اللي ممكن يتحول فيها القلق من رعاية حقيقية إلى تعب ذهني مستمر، وعن تأثير التعب وقلة النوم على قدرتنا نتعامل مع أفكارنا. والأهم يا غالية، ما رح نوقف عند «ليش عم بصير معي هيك؟». بكل حالة منحكي شو ممكن نعمل فعلًا: إمتى التفكير بده معلومة، إمتى بده قرار، إمتى بده تصرّف، وإمتى ما عاد عم يعطينا شي جديد. ومنربط هالحكي بمعنى جميل من ديننا: ناخد بالأسباب، نستشير، نقرر، نستعين بالله… وبعدين نتوكل عليه. 🤍 الله يطمّن قلوبكن، ويريّح بالكن، ويحفظلكن أحبابكن. خبريني بالكومنتات: إنتِ بأي وقت بيزيد عندِك التفكير أكتر: قبل الموقف، بعده، وقت القرارات، ولا لما تقلقي على حدا بتحبيه؟ #AminaPodcast #التفكير_الزائد #القلق #علم_النفس #بودكاست_بيني_وبينك