ព្រះនាង អៃកូ បុត្រីអធិរាជជប៉ុន| ជីវិត និង អាថ៌កំបាំងក្នុងខ្សែររាជវង្ស | Princess Aiko

សូមស្វាគមន៍មកកាន់ឆាណែល «បុរាណកាល»! ទីនេះគឺជាបណ្ដុំនៃចំណេះដឹង និងរឿងរ៉ាវប្រវត្តិសាស្ត្រខ្មែរ ក៏ដូចជាប្រវត្តិសាស្ត្រពិភពលោក។ យើងនឹងនាំអ្នកធ្វើដំណើរត្រឡប់ទៅកាន់អតីតកាល ដើម្បីស្វែងយល់អំពីព្រឹត្តិការណ៍សំខាន់ៗដែលបានផ្លាស់ប្តូរវាសនាមនុស្សជាតិ។ ------------ គោលបំណងរបស់យើង ចែករំលែកចំណេះដឹងប្រវត្តិសាស្រ្ដឱ្យបានទូលំទូលាយ ស្វែកយល់ប្រវត្តិបុគ្គលល្បីៗក្នុងប្រវត្តិសាស្រ្ដ ស្រាវជ្រាវអំពីអាថ៌កំបាំងដែលអ្នកមិនធ្លាប់ដឹង។ ------------ #បុរាណកាល # #ប្រវត្តិសាស្ត្រ #រឿងរ៉ាវប្រវត្តិសាស្ត្រ #KhmerHistory #BoranKal ------------ ***កំណត់សម្គាល់: រាល់ការបញ្ចេញមតិទៅលើខ្លឹមសារនៃវីដេអូនេះ គឺជាទំនួសខុសត្រូវរបស់អ្នកបញ្ចេញមតិផ្ទាល់។ ដូច្នេះ សូមមិត្តអ្នកគាំទ្រគ្រប់ផ្នែក ធ្វើការបញ្ចេញមតិប្រកបដោយសីលធម៌ ក្នុងន័យស្ថាបនា។ ការបញ្ចេញមតិបែបជេរប្រមាថ អុជអាល នាំដល់ការយល់ច្រឡំ ឬ ការរើសអើងជាតិសាសន៍ សាសនា ឬក៏បុគ្គលណាមួយ នាំឱ្យបាត់បង់ភាពថ្លៃថ្នូរជាមនុស្ស មិនមែនជាគោលបំណងរបស់ខ្ញុំបាទឡើយ។ ខ្លឹមសារអប់រំនៃវីដេអូនេះ ជាគោលបំណងរបស់យើងខ្ញុំ! សូមអរគុណ! ------------ បច្ចុប្បន្ន ព្រះចៅអធិរាជជប៉ុន ណារូហ៊ីតូ (Emperor Naruhito) មានព្រះរាជធីតាតែមួយអង្គគត់ គឺ ព្រះនាង អៃកូ (Princess Aiko) ដែលមានព្រះគោរមងារជាផ្លូវការថា ព្រះនាងតូស៊ី (Princess Toshi)។ ព្រះនាង អៃកូ ប្រសូតនៅថ្ងៃទី១ ខែធ្នូ ឆ្នាំ២០០១ ជាព្រះរាជបុត្រីទោលរបស់ព្រះចៅអធិរាជ ណារូហ៊ីតូ និងព្រះចៅអធិរាជិនី ម៉ាសាកូ (Empress Masako)។ ទោះបីជាព្រះនាងជាព្រះរាជបុត្រីតែមួយគត់របស់ព្រះចៅអធិរាជក៏ដោយ យោងតាមច្បាប់រាជវង្សជប៉ុនបច្ចុប្បន្ន ព្រះនាងមិនមានសិទ្ធិឡើងគ្រងរាជ្យបន្តនោះទេ ដោយសារច្បាប់របស់ប្រទេសជប៉ុនអនុញ្ញាតឱ្យតែព្រះរាជវង្សជា "បុរស" ប៉ុណ្ណោះដែលអាចឡើងគ្រងរាជ្យសម្បត្តិបាន។ ការដែលមិនអាចឡើងគ្រងរាជ្យរបស់ព្រះនាង អៃកូ គឺជាប្រធានបទដ៏ក្ដៅគគុក និងមានការជជែកវែកញែកយ៉ាងច្រើននៅក្នុងប្រទេសជប៉ុន។ ច្បាប់នៃការឡើងសោយរាជ្យរបស់ជប៉ុន ត្រូវបានកំណត់យ៉ាងតឹងរ៉ឹងដោយ ច្បាប់រាជវង្សានុវង្ស (Imperial House Law) ដែលត្រូវបានរៀបចំឡើងនិងអនុម័តតាំងពីឆ្នាំ១៩៤៧ ក្រោយសង្គ្រាមលោកលើកទី២។ ច្បាប់នេះបានចែងយ៉ាងច្បាស់ថា មានតែសមាជិករាជវង្សជា "បុរស" ដែលមានខ្សែស្រឡាយខាងបិតាជារាជវង្សប៉ុណ្ណោះ ទើបមានសិទ្ធិឡើងស្នងរាជ្យសម្បត្តិ។ នេះមានន័យថា សូម្បីតែព្រះនាង អៃកូ ជាបុត្រីបង្កើតរបស់ព្រះចៅអធិរាជបច្ចុប្បន្នក៏ដោយ ក៏ទ្រង់មិនមានសិទ្ធិឡើយ។ បន្ថែមពីនេះ ប្រសិនបើព្រះនាង អៃកូ រៀបការនិងមានបុត្រជាបុរស ក៏បុត្រនោះគ្មានសិទ្ធិគ្រងរាជ្យដែរ ព្រោះចាត់ទុកជាខ្សែស្រឡាយពីមាតា។ បន្ថែមពីលើការគ្មានសិទ្ធិសោយរាជ្យ ច្បាប់ដដែលនេះក៏បានកំណត់ថា ប្រសិនបើស្ត្រីក្នុងរាជវង្ស (ព្រះនាង) រៀបអភិសេកជាមួយបុរសសាមញ្ញ នោះព្រះនាងនឹងត្រូវបាត់បង់ឋានៈជារាជវង្សដោយស្វ័យប្រវត្តិ ហើយត្រូវក្លាយជាជនសាមញ្ញធម្មតា។ ក៏ប៉ុន្ដែច្បាប់នេះអនុវត្ត តែចំពោះស្ត្រីប៉ុណ្ណោះ។ ប្រសិនបើសមាជិករាជវង្សជា "បុរស" រៀបការជាមួយនារីសាមញ្ញ (ដូចជាករណីព្រះចៅអធិរាជបច្ចុប្បន្ន) បុរសនោះនៅតែរក្សាឋានៈដដែល ហើយភរិយាដែលជានារីសាមញ្ញនោះ នឹងត្រូវបានលើកស្ទួយឋានៈបញ្ចូលជារាជវង្សដោយស្វ័យប្រវត្តិថែមទៀតផង។