DD News Mizoram Chanchinthar | 3 October 2026 | 6:30 PM

CHANCHINTHAR Local: 1. Mizoram Chief Minister leh Lunglei HPC Chairman ni bawk Pu Lalduhoma chuan nimin khan Lunglei HPC Conference Hall-ah Mizoram State University (MZSU) dinna tur ram bigha 12-a zau chu a petu Pu P. Lalnuntluanga (Ramzotlang, Serkawn) te chhungkaw hnen aṭangin a dawng. 2. Asian Games 2026-a India hmeichhe hockey team zinga tel, Gold medal latu Mizo nula Lalremsiami leh Lalthantluangi te lo hmuah dan tur leh lawmna hun buatsaih dan tur chu vawiin khan Sports Minister Pu Lalnghinglova Hmar hovin a pisaah rel a ni. 3. Women & Child Development, Kolasib District buatsaihin tukin khan Kolasib Sports Stadium-ah Poshan Maah 2026 pualin ‘Run For Nutrition’ hman a ni. 4. Mautlang khawtlang hruaitu (VC leh NGO hrang hrangte) huaihawtin nimin khan an khaw Upper Primary School leh Lower Primary School-a zirtirtute an awm mumal loh avangin nu leh pa leh zirlaite nen lungawilohna an lantir. 5. Joint Hnampual Students’ Organisation (JHSO) chuan nimin khan Office Bearers Emergency Meeting neiin, 8th Schedule chungchanga Mizoram Language Development Board (MLDB) hmalaknate chu him tawk lova ngaiin, ngaihtuah nawn leh zirchian ngei ṭul an tih thu an tarlang. 6. Khatla East Local Council hnuaia Local Sanitation Committee chuan an Veng chhunga plastic bottle ruak, meizial bung leh kawng kama sarang awmte an leikhawm. 7. Assam Rifles te chuan Mahatma Gandhi pian champhaphak (Gandhi Jayanti) hriat reng nan nimin khan Serchhip-ah Thingphun Hnatlang an nei. 8. Bangalore Mizo Association chuan nimin khan 'Vangpui Kut' an hmang. National: 1. Vice President chuan C.P. Radhakrishnan chuan khawvel inthlak danglam zelah mipui huapzo rorelna chu ram sum leh pai dinhmun nghet neih nan a pawimawh a ni, a ti. 2. President Droupadi Murmu chuan Asian Games khelh meka Gold Medal la India hmeichhiate a lawmpui. 3. Union Home Minister Amit Shah chuan sorkarlaipuiin thingtlanga chengte dinhmun chawikang turin ran vulhtute hmasawnna tur ruahmanna a siam mek thu a sawi. 4. Prime Minister Narendra Modi an thla tin radio kaltlanga ram mipuite hnena thu a sawina 'Mann Ki Baat' programme chuan vawiin hian kum 12 a tling. 5. Commerce Minister Piyush Goyal chuan India in khawvel ram dangte nena zalen taka insumdawn tawnna, Free Trade Agreement a zauh zel thu a sawi. 6. Strait of Hormuz-ah Kuwait lawng pakhat beih a nih hnuah a chhunga chuang India mi 5 te him taka chhanchhuah an ni. 7. Khawchin hrilhlawkna chuan vawiin hian hmarchhak bialah ruah a sur dawn niin a tarlang. Follow DD Mizoram:   / ddnewsmizoram     / ddnews_mizoram     / ddnewsmizoram